InfoHub Logo

Qazaqstanda avtokólikterdi mindetti tehnıkalyq baıqaýdan ótkizý erejeleri qatańdatyldy. Kólik mınıstriniń buıryǵymen engizilgen ózgeristerge sáıkes, tehosmotr stansıalaryna qoıylatyn talaptar kúsheıtilip, júıege qosylý tártibi ózgerdi.

Bul týraly Infohub.kz aqparat agenttigi habarlaıdy.

Júıege qosylý talaptary ózgerdi

Endi tehosmotr stansıalary dıagnostıkalyq kartalardy rásimdeıtin biryńǵaı aqparattyq júıemen (BAJ) jumys isteý úshin onyń operatorymen resmı kelisimshart jasasýy kerek. Bul júıege qosylýdyń negizgi sharty bolyp sanalady.

Sonymen qatar, júıege avtomatty tekserýler engizildi. Eger kólik quraly týraly málimetter zańdy dep tanylmasa, dıagnostıkalyq kartany rásimdeý múmkin bolmaıdy, júıe ózi bas tartý týraly habarlama jiberedi.

Jalǵan tehosmotr anyqtalady

Mańyzdy jańalyqtardyń biri – kólikti naqty teksermeı, jalǵan tehosmotr kartalaryn rásimdeý jaǵdaılaryn avtomatty túrde anyqtaý. Bul júıeniń burmalanýyn boldyrmaýǵa baǵyttalǵan shara.

Júıeden shyǵarý sebepteri

Jańa erejelerde tehosmotr pýnktteriniń BAJ qyzmetin toqtatýyna bolatyn naqty negizder de kórsetilgen. Olar:

Buzýshylyqtar anyqtalǵannan keıin júıege kirý múmkindigi shekteledi. Ony tek barlyq máseleler sheshilip, BAJ operatory rastaǵannan keıin ǵana qalpyna keltirýge bolady.

Bul ne bildiredi?

Sarapshy Mıhaıl Býdánskııdiń aıtýynsha, bul ózgerister naryqty aıtarlyqtaı qataıtyp, tártipke keltiredi. Burynǵydaı tek habarlama berý jetkiliksiz, endi kásipkerler qyzmetin bastaý úshin ruqsat alýy kerek. Inspektorlar stansıalardy vızýaldy jáne qujattyq tekserýden ótkizedi.

Bul prosedýra naryqtaǵy «sur» stansıalardy joıýǵa baǵyttalǵan. Mysaly, Almatyda buryn 172 tehosmotr stansıasy bolsa, qazir olardyń sany 56-ǵa deıin azaıǵan, onyń 70 paıyzy jumysyn durys atqarýda.

Júrgizýshilerge qandaı áser etedi?

Sarapshynyń pikirinshe, tehosmort baǵasy ósýi múmkin. Qazirgi 5000 teńgemen jabdyqtalǵan stansıany ustaý qıynǵa soǵady. Shynaıy baǵa 16 myń teńgeden kem bolmaýy kerek dep esepteıdi ol.

Degenmen, bul jaǵdaı tehosmotrdyń naǵyz dıagnostıkaǵa aınalýyna jol ashady. Bul júrgizýshiler tarapynan narazylyq týdyrýy múmkin, sebebi erejeler qatańdap, tekserýler shynaıy sıpat alady.

Bolashaqta ne kútip tur?

Jalpy, bul ózgerister naryqtyń ózgerýine ákeledi. Stansıalardyń azaıýyna baılanysty kezekten kútýge týra kelýi múmkin, biraq bul salaýatty bıznes pen sapaly dıagnostıkanyń ornyǵýyna jol ashady. Júrgizýshiler jańa jaǵdaılarǵa beıimdelýge májbúr bolady.