InfoHub Logo

Qazaqstanda ulttyq jasandy ıntellekt platformasy qurylmaq,dep jazady Infohub.kz.

Májilis «Jasandy ıntellekt týraly» zań jobasyn ilespe túzetýlerimen birge birinshi oqylymda maquldady. Qujat Memleket basshysynyń tapsyrmasymen ázirlenip, jasandy ıntellekt (JI) tehnologıalaryn damytýǵa quqyqtyq negiz qalyptastyrýdy kózdeıdi.

Zań jobasy jasandy ıntellektti qoldanýda azamattardyń qaýipsizdigin qamtamasyz etý, ekonomıkanyń túrli salalarynda JI-di engizýdegi memlekettiń rólin naqtylaý jáne ázirleýshiler men ınvestorlar úshin túsinikti erejeler ornatýǵa baǵyttalǵan.

Qujattyń basty jańalyǵy – ulttyq jasandy ıntellekt platformasyn qurý. Bul ınfraqurylym JI ónimderin ázirleýge arnalǵan derekter kitaphanalary men modelderdi oqytý júıelerin biriktiredi. Sonymen qatar, JI salasyndaǵy zertteýlerge, bilim berý baǵdarlamalaryna jáne halyqaralyq yntymaqtastyqqa memlekettik qoldaý kórsetilmek.

Zań jobasy jasandy ıntellektke qatysy bar barlyq taraptardyń quqyqtary men mindetterin aıqyndaıdy. Júıe ıeleri óz ónimderin paıdalanýǵa qatysty sharttardy belgilep, táýekelderdi basqara alsa, paıdalanýshylar jeke derekterin qorǵaýǵa jáne avtomattandyrylǵan sheshimderge qarsylyq bildirýge quqyly bolady.