InfoHub Logo

Álemdik naryqta munaı baǵasy eki kún qatarynan tómendep, ınvestorlar men treıderlerdiń alańdaýshylyǵyn týdyrdy. Brent markaly munaı bir táýlikte 3 paıyzǵa arzandap, barreli 64 dollar 65 sentke deıin tómendedi. Al WTI munaıy 2 paıyzǵa qunsyzdanyp, qazirgi ýaqytta 61 dollar 74 sent shamasynda saýdalanýda.

Baǵanyń quldyraýyna AQSH pen Iran arasyndaǵy geosaıası jaǵdaıdyń ózgerýi áser etti. Buǵan deıin Aq úı men Qytaı arasyndaǵy saýda kelisimi naryqqa turaqtylyq syılaǵanymen, sońǵy kezderi Iranmen júrgizilgen kelissózder munaı naryǵyna jańa belgisizdik alyp keldi. Eger taraptar ortaq mámilege kelip, Tegeranǵa salynǵan sanksıalar joıylsa, Iran munaıy qaıta eksportqa shyǵýy múmkin. Bul óz kezeginde munaı usynysynyń artyp, baǵanyń odan ári tómendeýine sebep bolmaq.

Sarapshylardyń aıtýynsha, munaı naryǵy aldaǵy ýaqytta da saıası sheshimderge táýeldi bola beredi.