InfoHub Logo

Qazaqstanda aqyly tas joldarda júrý aqysyn tóleý tártibine qatysty jańa erejeler bekitildi. Kólik mınıstrligi engizgen ózgerister júrgizýshilerge, ásirese jeke tulǵalarǵa jeńildikter ákeledi.

Bul týraly Infohub.kz aqparat agenttigi habarlaıdy.

Jeke tulǵalarǵa jeńildik

Endi kólik ıeleri aqyly jolmen júrgeni úshin tólemdi 30 kúntizbelik kún ishinde jasaýǵa múmkindik alady. Buryn bul merzim 7 kún bolǵan. Eger júrgizýshi belgilengen ýaqytta aqy tólemese, 31-shi kúni materıaldar kólik baqylaý organdaryna jiberiledi.

Zańdy tulǵalarǵa arnalǵan jańa talaptar

Alǵash ret jeke jáne zańdy tulǵalar úshin tólem erejeleri bólek qarastyryldy. Kompanıalar úshin tólem merzimi esepti aıdan keıingi aıdyń 20-syna deıin belgilendi. Bul talapty oryndamaǵan jaǵdaıda, materıaldar kelesi kúni kólik baqylaý organdaryna jiberiledi.

Erejeler qashan kúshine enedi?

Jańa erejeler aqyly respýblıkalyq mańyzy bar joldardy paıdalanýshylar úshin yńǵaılylyqty arttyrýǵa jáne aıyppul sanyn azaıtýǵa baǵyttalǵan. Buıryq alǵashqy resmı jarıalanǵannan keıin 10 kúntizbelik kún ótken soń kúshine enedi.

Aıta keteıik, buǵan deıin kólik mınıstri Nurlan Saýranbaev bıyl aqyly joldardan 100 mıllıard teńge jınaý josparlanǵanyn habarlaǵan bolatyn. Ótken jyly bul kórsetkish 80 mıllıard teńgeni quraǵan.