InfoHub Logo

Reseı Qazaqstanǵa uıymdasqan qylmystyq toptyń múshesin, alaıaqtyq jasady degen kúdikti azamatty ekstradısıalady. Bul týraly Bas prokýratýra málimdedi.

Bul týraly Infohub.kz aqparat agenttigi habarlaıdy.

Instagram arqyly azamattardy aldaǵan

Vedomstvonyń málimetinshe, 2023-2024 jyldary bul azamat basqa qylmyskerlermen birge Instagram jelisi arqyly adamdardy aldap kelgen. Ol aqsha salyp, joǵary tabys ýádesin berip, kompanıaǵa ınvestısıa tartqan.

Aqshany alǵan soń, olar ony top múshelerine bólip, jeke qajettilikterine jumsaǵan. Bul alaıaqtardyń áreketinen Qazaqstannyń ártúrli óńirlerinen 75 adam zardap shegip, jalpy somasy shamamen 80 mıllıon teńge shyǵynǵa ushyraǵan.

Qylmystyq toptyń basqa músheleri sottaldy

Qylmystyq toptyń tórt múshesi buǵan deıin sottalyp, ártúrli merzimge bas bostandyǵynan aıyrylǵan. Sońǵy múshesi Reseıge qashyp ketip, halyqaralyq izdeý jarıalanǵan bolatyn.

2025 jyldyń naýryz aıynda kúdikti Reseı aýmaǵynda ustalyp, Qazaqstan Bas prokýratýrasynyń ótinishi boıynsha otanyna ekstradısıalandy. Qazir ol tergeý ızolátoryna toǵytyldy.

Atalǵan qylmystar úshin kúdiktige múlkin tárkileýmen qatar, 5 jyldan 10 jylǵa deıin bas bostandyǵynan aıyrý jazasy qarastyrylǵan.