tengrinews.kz
Qazaqstandaǵy memlekettik qyzmetkerler endi esirtki men masań kúıde kólik júrgizgeni úshin jumystan shyǵarylady
Qazaqstanda memlekettik qyzmetkerlerdi esirtki zattaryn qoldanǵany nemese kólik júrgizý kezinde masań kúıde bolǵany úshin jumystan shyǵarý týraly norma zań jobasyna engizildi. Bul týraly Májilistiń birinshi oqylymynda maquldanǵan zań jobasy boıynsha Májilis depýtaty Marat Bashımov málimdedi.
Bul jańalyq memlekettik qyzmettegi tártipti kúsheıtýge jáne qoǵamnyń memlekettik júıege degen senimin arttyrýǵa baǵyttalǵan.
Jańa zań jobasy boıynsha, memlekettik qyzmetkerdiń tártiptik jaýapkershiligin qaraý merzimi buzýshylyq anyqtalǵannan keıin úsh aıǵa deıin, al buzýshylyq jasalǵannan keıin bir jylǵa deıin uzartylady. Buryn bul merzimder eki ese qysqa bolǵan.
Sonymen qatar, eger qyzmetkerge qatysty jeńildetetin jaǵdaılar bolsa jáne aýyrlatatyn mán-jaılar tabylmaıtyn bolsa, oǵan jańa tártiptik jaza qoldanylmaýy múmkin.
Memlekettik qyzmettiń bedelin túsiretin áreketter
Depýtat Bashımovtyń aıtýynsha, esirtki zattaryn qoldaný nemese masań kúıde kólik júrgizý memlekettik qyzmettiń bedelin túsiretin áreketter qataryna jatqyzylady. Mundaı jaǵdaılarda qyzmetkerdi kez kelgen ýaqytta, tipti eńbek nemese oqý demalysynda júrgen kezde de shaqyryp, tártiptik jaýapkershiligin sheshýge múmkindik paıda bolady.
Bul sharalar memlekettik qyzmetshilerdi óz mindetterin jaýapkershilikpen jáne sapaly atqarýǵa yntalandyrady dep kútilýde.
Buǵan deıin memlekettik qyzmet týraly zań jobasynda sheneýnikterdiń «beýprechnaıa repýtasıa» ıe bolýy mindetteletini týraly habarlanǵan bolatyn.
-
Qazaqstanda memlekettik qyzmetkerlerdiń jalaqysyn, otpýskasyn jáne basqa da tólemderin retteıtin jańa zań jobasy qabyldanbaq. Zań jobasynda jalaqyny qalaı, qansha ýaqyt saıyn kóterý, «saýyqtyrý» aqshasyn tóleý jáne oǵan qarajatty qaıdan alý máseleleri qamtylǵan.
-
30 avgýsta bolshe ne býdet vyhodnym dnem v Kazahstane. Ýznaıte, kogda teper otmechaetsá Den Konstıtýsıı ı pochemý.
