InfoHub Logo

Qazaqstanda avtopılotty taksıler men jetkizý drondarynyń synaqtary bastalady. Osyǵan baılanysty Astana, Almaty jáne Qosshy qalalarynda jol belgileri men syzyqtary ózgeredi. Bul týraly Sıfrlyq damý mınıstrligi málimdedi.

Bul týraly Infohub.kz aqparat agenttigi habarlaıdy.

Qaı qalalarda synaq ótedi?

Alǵashqy kezeńde avtopılotty taksılerdi synaý Astana, Almaty jáne Qosshy qalalarynda josparlanyp otyr. Naqty marshrýttar men kólik sany keıin anyqtalady. Bul parametrler pılottyq baǵdarlama bekitilip, tehnologıalar daıyn bolǵannan keıin belgilenedi.

Almatyda qazirdiń ózinde drondar arqyly taýar jetkizý jobasy júzege asyrylýda. Pılottyq jobanyń parametrleri otandyq jáne halyqaralyq kompanıalarmen birlesip pysyqtalýda.

Qaýipsizdik qalaı qamtamasyz etiledi?

Avtopılotty kólikterdi kezeń-kezeńimen engizý kózdelgen. Drondar úshin de synaq rejimi qarastyrylǵan. Eń bastysy – qaýipsizdik pen zań talaptaryn saqtaý.

Qalalarda synaqtardy bastamas buryn kelesi kezeńder ótedi:

«Alǵashqy kezeńde kólik salonynda rezervti júrgizýshi bolady. Ol kez kelgen qolaısyz nemese qaýipti jaǵdaıda birden rúlge otyra alady», – dep atap ótti vedomstvodan.

Eger júıe qaýipsiz jáne sátsizdiksiz jumys istese, odan ári júrgizýshisiz, biraq qashyqtan turaqty baqylaýmen tolyq avtopılotty rejımge kóshý múmkin bolady.

Jol ınfraqurylymy qalaı ózgeredi?

Jobany iske qosý úshin jol ınfraqurylymyn beıimdeý qajet. Atap aıtqanda, kelesi jumystar josparlanǵan:

Infraqurylymdy daıyndaý boıynsha negizgi jumystar 2026 jyldyń birinshi toqsanynda Astana jáne Almaty ákimdikterimen birlesip júrgizilmek.

Qandaı jaǵdaıda kim jaýapty bolady?

Jol-kólik oqıǵalary men basqa da ınsıdentter bolǵan jaǵdaıda, árbir qatysýshynyń róline baılanysty operator, kólik ıesi jáne óndirýshi arasynda jaýapkershilik bólinedi. Qazirgi ýaqytta tıisti normatıvtik-quqyqtyq baza ázirlenip jatyr.

Qashan iske qosylady?

Avtopılotty taksılerdi synaý áli bastalǵan joq. Joba baǵdarlamany daıyndaý jáne bekitý kezeńinde. Ol bekitilgennen keıin naqty aımaqtar, sharttar jáne iske qosý formaty anyqtalady. Taksı jobasy shamamen 3 jylǵa eseptelgen. Al drondar boıynsha jaqyn arada Almatyda synaq ushýlary kútilýde.

Joba qalaı damıdy?

Búkil el boıynsha aýqymdy jobany iske qosý týraly sheshim pılottyq joba aıaqtalǵannan keıin qabyldanady. Ol úshin tehnologıanyń qaýipsizdigi, tıimdiligi men turaqtylyǵy baǵalanady, sondaı-aq ınfraqurylym men retteý erejeleri jetildiriledi.

Synaq ushýlaryn kim qarjylandyrady?

Joba búdjet qarajaty esebinen emes, qatysýshy jeke kompanıalardyń qarjylandyrýymen júzege asyrylady. Alǵashqy kezeńde avtopılotty tehnologıalar qalalyq utqyrlyq (avtopılotty taksı) jáne logıstıka men jetkizý (drondar) salalarynda qoldanylady.