InfoHub Logo

Qazaqstannyń Qorǵanys mınıstri, avıasıa general-leıtenanty Dáýren Qosanov Astanada Halyqaralyq dzúdo federasıasynyń prezıdenti Marıýs Vızermen kezdesti. Bul týraly QazInform habarlaıdy.

Kezdesý nátıjesinde Qazaqstan Qarýly Kúshterinde dzúdony damytýǵa baǵyttalǵan yntymaqtastyq týraly memorandýmǵa qol qoıyldy. Bul qujat Qorǵanys mınıstrliginiń joǵary áskerı oqý oryndary men kolejderiniń oqý baǵdarlamalaryna halyqaralyq dzúdo júıesin kezeń-kezeńimen engizýdi kózdeıdi.

Sonymen qatar, áskerı qyzmetshilerdiń dene shynyqtyrý sabaqtaryna dzúdo elementteri qosylady. Materıaldyq-tehnıkalyq bazany nyǵaıtýǵa erekshe nazar aýdarylady. Halyqaralyq dzúdo federasıasy men «Jeńis» klýbynyń qoldaýymen áskerı bilim berý uıymdary tatamı, sporttyq jabdyqtarmen jáne kımonolarmen qamtamasyz etiledi.

Budan bólek, kýrsanttar men kadetter arasynda dzúdo lıgalaryn qurý josparlanýýda. Mundaı birlestikter tehnıkalyq sheberlikti arttyrýǵa, básekelestikti damytýǵa jáne bul sportty nasıhattaýǵa yqpal etedi. Taraptar mundaı ózara is-qımyl dzúdony damytýǵa jańa múmkindikter ashyp, sportshylardyń jańa bıikterge jetýge degen yntasyn arttyratynyn atap ótti.