InfoHub Logo

Qazaqstanda taǵy bir astyrtyn qaıyrymdylyq jymqyrý isi áshkerelendi. Bul joly Dáýlet pen Tolqyn Totaqanov esimdi erli-zaıypty jup ózderiniń aýyr dıagnoz qoıylǵan uly Altaırdiń emine dep qarajat jınap, keıinnen ol jazylyp ketken soń da naýqandy jalǵastyryp, 1,3 mıllıard teńgeden asa qarjyny zańsyz ıemdendi degen kúdikke ilindi.

Totaqanovtar 4 jyl buryn uldaryna ota jasatý úshin 50 mıllıon teńge qajet ekenin aıtyp, Instagram paraqshasy arqyly halyqtan qarajat jınaǵan. Biraq balanyń naqty emine bar-joǵy 6 mıllıon teńge ǵana jumsalǵany belgili boldy.

Al qalǵan qarajat:

• Jyljymaıtyn múlik satyp alýǵa,
• Qymbat avtokólikter alýǵa,
• Shetelge saıahattaýǵa,
• Qumar oıyndarǵa ketkeni anyqtalǵan.

 Qazirgi tańda erli-zaıyptyǵa "asa iri kólemdegi alaıaqtyq" jáne "qylmystyq jolmen alynǵan aqshalaı qarajatty zańdastyrý" baptary boıynsha aıyp taǵylyp otyr. Qylmystyq is tergelý ústinde.