Photo: Ayazhan (https://www.pexels.com/@ayazhan-3173683) / Pexels
Qazaqstandyq azamat Reseıde balaǵa oq atqany úshin ustaldy
Reseıdiń Sankt-Peterbýrg qalasynda Qazaqstannan shyqqan azamat balaǵa oq atqany úshin ustalyp, tergeýge alyndy. Oqıǵa saldarynan 11 jastaǵy jasóspirim aýrýhanaǵa jatqyzyldy.
Bul týraly Infohub.kz aqparat agenttigi habarlaıdy.
Oqıǵanyń mán-jaıy
Oqıǵa Dekabrıster kóshesindegi úılerdiń biriniń mańynda bolǵan. Basylymnyń málimetinshe, bala úıdiń terezesiniń astynda saksofonda oınap júrgen. Bul dybys 38 jastaǵy azamatty ashýlandyrǵan.
Ashýyna shydamaǵan er adam pnevmatıkalyq tapanshasyn alyp, terezeden oq jaýdyrǵan. Oq balanyń betine tıip, ıegine tyǵylyp qalǵan.
Jasóspirimniń jaǵdaıy
Zardap shekken bala aýrýhanaǵa jetkizilip, qazirgi ýaqytta onyń jaǵdaıy ortasha dep baǵalanýda.
Kúdikti kim?
Basylymdardyń habarlaýynsha, ustalǵan azamat – Qazaqstan týmasy, Aıtjan Smaǵulov esimdi azamat. Ol 2021 jyldyń sáýir aıynan beri Marıın teatrynda qosalqy trýppanyń múshesi retinde qyzmet etken.
Reseı İshki ister mınıstrliginiń resmı ókili Irına Volk polısıaǵa beıtanys adamnyń balany atyp ketkeni týraly habarlama túskenin aıtty. Mınıstrliktiń málimetinshe, kúdikti balanyń oıynyn unatpaı, ony «jazalaý» úshin terezeden oq atqan.
Qylmystyq is qozǵaldy
Atalǵan derek boıynsha Qylmystyq kodekstiń «Qarý qoldanyp jasalǵan buzaqylyq» babymen qylmystyq is qozǵaldy.
-
Klımattyń ózgerýi saldarynan álemdegi eń úlken tuıyq sý qoımasy tarylyp barady. Ekologtar bul jaǵdaı Aral teńiziniń kebýimen para-par katastrofaǵa ákelýi múmkin ekenin eskertýde.
-
A Kazakh national and Mariinsky Theatre actor is under investigation in St. Petersburg after shooting a child with a pneumatic pistol.
