Qazaqstandyqtar ekologıalyq máselelerdi sheshýge @TazaQazBot arqyly belsendi atsalysýda
Qazaqstandyqtar ekologıalyq máselelerdi sheshýge @TazaQazBot arqyly belsendi atsalysýda,-dep jazady Infohab.
Ekologıa jáne tabıǵı resýrstar mınıstrligi 2024 jylǵy maýsymda Telegram platformasynda @TazaQazBot chat-botyn iske qosqan bolatyn. Bul ekologıalyq máseleler boıynsha turǵyndardyń jedel ótinishteri men shaǵymdaryn qabyldaıtyn sıfrlyq qural retinde tanylyp úlgerdi.
Búginde ekobotqa 18 myńnan astam ótinim kelip túsip, olardyń 17 myńy sátti oryndalǵan. Belsendi qoldanýshylardyń basym bóligi Almaty, Shymkent jáne Astana qalalarynan. Ótinishterdiń negizgi bóligi aýmaqtardy tazalaý, qoqys shyǵarý jáne kóshelerdi abattandyrý máselelerine qatysty.
@TazaQazBot 21 túrli sanatty qamtıdy. Atap aıtqanda: joldardy jóndeý, aryqtardy tazalaý, aýla ishindegi jaryqtandyrý, sý aıdyndarynyń lastanýyn joıý sıaqty ózekti ekologıalyq problemalardy qamtıdy. Sonymen qatar, paıdalanýshylar tapsyrma sapasyz oryndalǵan jaǵdaıda shaǵym túsire alady. 2025 jyldyń basynan beri júıege 200-den astam shaǵym joldanǵan.
Mınıstrlik barlyq azamattardy turmysta jıi kezdesetin ekologıalyq túıtkilderdi sheshý úshin @TazaQazBot-ty belsendi qoldanýǵa shaqyrady.
You Might Also Like
-
Reseı prezıdenti Vladımır Pýtın tún ortasynda málimdeme jasap, Ýkraınamen tikeleı kelissózderge daıyn ekenin jarıa etti. Ol bul kezdesýdi 15 mamyrda Túrkıanyń Ystanbul qalasynda ótkizýdi usyndy.
-
ASTANA. Memleket basshysy Qasym-Jomart Toqaev Vengrıanyń Premer-mınıstri Vıktor Orbanmen kelissóz ótkizdi. Prezıdent jyly júzdesý barysynda 2023 jyly Býdapeshtke jasaǵan memlekettik saparyn eske aly...
