Qasym-Jomart Toqaev pen Vıktor Orban ekijaqty yntymaqtastyqty ny
ASTANA. Memleket basshysy Qasym-Jomart Toqaev Vengrıanyń Premer-mınıstri Vıktor Orbanmen kelissóz ótkizdi. Prezıdent jyly júzdesý barysynda 2023 jyly Býdapeshtke jasaǵan memlekettik saparyn eske alyp, ol kelissózderdiń strategıalyq mańyzy zor bolǵanyn atap ótti.
Kelissóz barysynda saýda-ekonomıkalyq jáne ınvestısıalyq baılanystar basty taqyryp boldy. 2024 jyly eki el arasyndaǵy saýda aınalymy 200 mln dollar shamasyna jetip, bıylǵy birinshi toqsanda 37% ósim tirkelgen. Sonymen qatar, vengrıalyq ınvestısıa kólemi 370 mln dollardan asty. Qazirgi tańda birlesken portfelde 700 mln dollar kólemindegi 16 joba bar.
Qasym-Jomart Toqaev Túrki memleketteri uıymynyń beıresmı samıtiniń mańyzyn erekshe atap ótip, Qazaqstannyń uıym aıasyndaǵy basym baǵyttar boıynsha syndarly dıalogty jalǵastyrýǵa beıildi ekenin jetkizdi.
Óz kezeginde Vıktor Orban qazaq-vengr qatynastarynyń dınamıkalyq damyp kele jatqanyn atap ótip, Astanada ótetin samıtti uıymdastyrýǵa kórsetilgen qoldaý úshin alǵysyn bildirdi.
Kezdesýde ótken jylǵy joǵary deńgeıdegi kelissózder nátıjesinde qabyldanǵan jobalardyń iske asyrylý barysy, sondaı-aq energetıka, saýda jáne ınvestısıa salalaryndaǵy yntymaqtastyq máseleleri talqylandy. Taraptar ózara halyqaralyq kún tártibindegi ózekti máseleler jóninde pikir almasty.
You Might Also Like
-
2 mamyrda QR Saýda jáne ıntegrasıa mınıstri Arman Shaqqalıev Almatyǵa jumys saparymen kelip, bazarlardy jańǵyrtý máseleleri boıynsha bıznes ókilderimen kezdesti.
-
17 mamyr – Qazaqstan Prezıdenti Qasym-Jomart Toqaevtyń týǵan kúni. Bıyl Memleket basshysy 72 jasqa tolady. Alaıda bul dataǵa baılanysty eshqandaı saltanatty sharalar ótpeıdi. Aqordanyń baspasóz qyzmet...
