InfoHub Logo

Sarapshylar álemdik munaı naryǵyndaǵy turaqsyzdyqqa baılanysty janarmaı baǵasynyń birtindep ósetinin boljap otyr. Bul týraly Infohub.kz aqparat agenttigi habarlaıdy.

Energy Monitor qorynyń dırektory Nurlan Jumaǵulovtyń aıtýynsha, baǵany kóterýge tyıym salatyn qazirgi moratorıı jaqyn arada alynyp tastalýy múmkin. Degenmen, janarmaı qunynyń kúrt ósýi kútilmeıdi.

Baǵa birtindep ósedi

«Benzın men dızel qory jetkilikti, sondyqtan baǵa birtindep kóteriledi. Bul kóbine jazǵa jaqyn bastalýy yqtımal», - deıdi sarapshy.

Onyń sózine qaraǵanda, baǵany kem degende QQS aıyrmashylyǵyna, ıaǵnı shamamen 4%-ǵa túzetý qajet.

Munaı baǵasy 200 dollarǵa jetýi múmkin

Taıaý Shyǵystaǵy shıelenis saldarynan Brent munaıynyń baǵasy barreline 110 dollardan asty. Jumaǵulovtyń pikirinshe, logıstıka nasharlap, jetkizýde keshigýler bolsa, munaı baǵasy 200 dollarǵa deıin qymbattaýy múmkin.

Degenmen, ol Qazaqstandaǵy janarmaı baǵasynyń álemdik baǵamen tikeleı baılanysty emes ekenin atap ótti. Óıtkeni, munaıdyń bir bóligi ishki naryqqa retteletin sharttarmen jetkiziledi.

Janarmaı tapshylyǵy bolmaıdy

Munaı baǵasynyń ósýine qaramastan, sarapshylar Qazaqstanda benzın tapshylyǵyn boljamaıdy. Jumaǵulovtyń aıtýynsha, otandyq munaı óńdeý zaýyttarynyń qýattylyǵy ishki suranysty tolyq qamtamasyz ete alady.

Benzın eki ese qymbattaýy múmkin

Ekonomıs Rahymbek Ábdirahmanov bolsa, bolashaqta baǵanyń odan da eleýli ósýi múmkin ekenin aıtady. Onyń pikirinshe, EAEO aıasyndaǵy janarmaı naryǵynyń ıntegrasıalanýyna baılanysty Qazaqstandaǵy baǵalar kórshi elderdegi baǵalarmen teńesedi. Al sol elderde benzın áldeqaıda qymbat.

«Baǵanyń 70-90% ósýin kórýimiz múmkin. Múmkin birden emes, biraq óte tez bolady», - deıdi ol.

Qazirgi AI-92 benzıniniń lıtri 239 teńge ekenin eskersek, bul kelesideı baǵalarǵa ákelýi múmkin:

Sarapshylar naryqty turaqtandyrý úshin erkin baǵa belgileýge kóshý qajettigin, al halyqqa qoldaýdy naqty baǵytta kórsetý kerektigin aıtady.