InfoHub Logo

Qazaqstanda turǵyn úılerdi basqarý jáne kútip ustaýǵa arnalǵan mınımaldy tarıfterdiń (RSJ) zańdylyǵyna qatysty másele týyndady. Kóptegen aımaqtarda 2026 jylǵa arnalǵan tarıfter áli bekitilmegeni belgili boldy. Turǵyn úı-kommýnaldyq sharýashylyq salasynyń sarapshysy Sergeı Láshenkonyń aıtýynsha, eger tarıf resmı túrde bekitilmese, turǵyndardyń ony tóleýge quqyqtyq negizi bolmaýy múmkin.

Bul týraly Infohub.kz aqparat agenttigi habarlaıdy.

Nege bul másele týyndady?

Mınımaldy tarıfti bekitý jergilikti deńgeıde, ıaǵnı respýblıkalyq jáne oblystyq mańyzy bar qalalar men aýdandarda júzege asyrylady. Turǵyn úı-kommýnaldyq sharýashylyq salasyndaǵy sarapshy, OSI tóraǵasy Sergeı Láshenko naqtylaı túskendeı, bul proseste turǵyn úı ınspeksıasy tarıfti esepteýmen, al máslıhat ony bekitýmen aınalysýy tıis.

Mınımaldy tarıf – bul turǵyndardan aı saıyn tólenetin mindetti jarna, ol úıdi kútip ustaýǵa baǵyttalady. Ol ádette komýnaldyq qyzmetter shotynda RSJ (turǵyn úıdi kútip ustaý shyǵyndary) retinde kórsetiledi. Eger turǵyndar jalpy jınalysta basqarý organyna nemese tóraǵaǵa daýys bermese, nemese ózderi joǵary somany belgilemese, bul tarıf qoldanylady.

Bul tarıf pen ony esepteý ádistemesi 2020 jyly engizilgen. Al sońǵy jyldary ony aılyq eseptik kórsetkishke (AEK) baılaǵan. Bul ózgeristerdiń maqsaty – AEK-ke sáıkes tarıfti jyl saıyn avtomatty túrde ósirý bolǵan.

Tarıfter bekitilmegen jaǵdaıda ne isteý kerek?

Sarapshynyń zertteýi boıynsha, 2026 jylǵa arnalǵan jańa tarıfti tek birneshe qalada ǵana bekitken. Olar: Kókshetaýda – 72,23 teńge, Rıdderde – 60,55 teńge, Balqashta – 72,47 teńge jáne Shahtınskide – 39 teńge sharshy metrine.

Sergeı Láshenko: “Eger 2026 jylǵa arnalǵan mınımaldy tarıf bekitilmese, onda RSJ boıynsha qyzmet alatyn úılerdiń turǵyndary tóleýden bas tartýǵa quqyly ma? Olar qandaı negizde tóleýi kerek? Quqyqtyq negizder joq bolyp shyǵady. Al eger olar buryn tólegen bolsa, sotqa berip, tólengen aqshany qaıtaryp alýǵa múmkindik bar ma?” – dep suraq qoıady.

Bul suraqtar boıynsha Qazaqstan Respýblıkasynyń Ónerkásip jáne qurylys mınıstrliginiń Qurylys jáne TKSH isteri komıtetine habarlasqanymyzda, jaýap ala almadyq.

Astanadaǵy jaǵdaı

Sergeı Láshenko Astanada buǵan deıin bolǵan bir jaǵdaıdy mysalǵa keltirdi. 2023 jylǵa arnalǵan tarıfti Astana máslıhaty tek 2023 jyldyń jeltoqsanynda bekitken. Bul sheshim zańdy kúshine engenshe, 2024 jyl kelgen, al tarıf sol jylǵa jaramsyz bolyp qalǵan. Keıin máslıhat ony 2024 jyldyń naýryzynda qaıta bekitýge májbúr bolǵan.

Tóleýden bas tartýǵa bola ma?

Zańger Tatána Zyránovanyń aıtýynsha, RSJ boıynsha mınımaldy tarıfter tek bir jylǵa ǵana jaramdy. Ol turǵyn úı ıelerine ózderin qorǵaý úshin jalpy jınalys arqyly smetany jáne RSJ tarıfin bekitýdi usynady. Biraq bul jaǵdaıda da núanstar bar.

Eger turǵyndar óz tarıfterin bekitpese nemese az tóleýdi uıǵarsa, al basqarý kompanıasy úıdi kútip ustaýǵa shyǵyn jumsasa, onda tóleýden bas tartqan nemese az tólegen turǵyndar sotta jeńilip qalýy múmkin. Sebebi sot tarıfti emes, naqty shyǵyndardy óndirip alady.

Kináli kim?

Almaty qalasynyń máslıhaty nege áli kúnge deıin 2026 jylǵa arnalǵan RSJ boıynsha mınımaldy normalardy bekitpegenin anyqtaý úshin jýrnalıser olarǵa habarlasqan. Máslıhattyń baspasóz qyzmetiniń habarlaýynsha, esepteýleri bar materıaldar áli kúnge deıin usynylmaǵan.

Sarapshylardyń pikirinshe, bul jaǵdaı turǵyn úı-kommýnaldyq sharýashylyq reformasyna keri áserin tıgizedi. Tarıfti AEK-ke avtomatty túrde baılaý týraly normany tolyq qoldanysqa engizý qajettiligi aıtylýda.