InfoHub Logo

Qazaqstandyqtardyń nesıe alý tártibi ózgeredi. 2027 jyldyń 1 qańtarynan bastap azamattardyń nesıelik júktemesin shekteıtin jańa talap engiziledi. Bul týraly Ulttyq bank málimdedi.

Bul týraly Infohub.kz aqparat agenttigi habarlaıdy.

Nesıe boıynsha bereshek koefısıenti (NBK) degenimiz ne?

Nesıe boıynsha bereshek koefısıenti (NBK) – bul nesıe alýshynyń barlyq nesıeleri men mıkrokredıtteri boıynsha jalpy beresheginiń onyń jyldyq tabysyna qatynasyn kórsetetin kórsetkish. Bul jańa nesıeni de qamtıdy.

«NBK 2024 jyldyń tamyz aıynda retteý praktıkasyna engizildi jáne ázirge monıtorıń kezeńinde. Bul kórsetkish nesıe alýshynyń barlyq qoldanystaǵy qaryzdary men mıkrokredıtteri boıynsha jıyntyq beresheginiń, sonyń ishinde josparlanǵan jańa nesıeni qosqanda, onyń jyldyq tabysyna qatynasyn bildiredi. Bul qural nesıe alýshynyń mindettemelerin ýaqtyly óteý qabiletin baǵalaýǵa múmkindik beredi», - dep túsindirdi Ulttyq bank.

Jańa shekteý

Ulttyq bank NBK-nyń shekti mánin nesıe alýshynyń 8 jyldyq tabysyna teń dep belgileýdi josparlap otyr. Bul rette, retteýshi organ avtokredıtteý, ıpotekalyq jáne tutynýshylyq nesıeler segmentterin baqylaýdy jalǵastyrady, biraq olar boıynsha bólek lımıtter belgilenbeıdi.

Eger táýekelder artsa, Ulttyq bank ártúrli shekteýler engizýge nemese NBK-nyń jalpy deńgeıin ózgertýge quqyly bolady.

NBK qalaı esepteledi?

Nesıe boıynsha bereshek koefısıenti nesıe alýshynyń jıyntyq mindettemeleriniń onyń jyldyq tabysynan qansha ese asatynyn kórsetedi. Esepteý formýlasy kelesideı:

NBK = (QQZ + JNQ) / JTK

Mundaǵy:

8 degen san neni bildiredi?

Eger NBK 8-ge teń bolsa, bul nesıe alýshynyń jalpy bereshegi, jańa nesıeni qosqanda, onyń segiz jyldyq tabysyna deıin jetýi múmkin ekenin bildiredi.

Bul kórsetkish ne úshin engiziledi?

Ulttyq bank atap ótkendeı, bul shara halyqtyń nesıege shamadan tys umtylysyn azaıtýǵa, qarjylyq turaqtylyqty nyǵaıtýǵa jáne neǵurlym teńdestirilgen nesıe júıesin qalyptastyrýǵa baǵyttalǵan.

Qazaqstanda nesıe berýdiń jańa erejeleri

Esterińizge sala keteıik, 1 shildeden bastap Qazaqstanda nesıe berý erejeleri ózgeredi. Bankter nesıe alýshylardyń tabysy men bereshek júktemesin qatań baǵalaı bastaıdy. Ulttyq bank derekteri boıynsha, bereshek júktemesi koefısıentin (BJK) jáne nesıe boıynsha bereshek koefısıentin (NBK) esepteý kúsheıtiledi. Negizgi nazar resmı tabystarǵa aýdarylady – bankter zeınetaqy aýdarymdary men medısınalyq saqtandyrý júıesiniń derekterin eskeretin bolady. Tirkelgen tabysy joq azamattarǵa nesıe alý qıyndaı túsedi.

Bul ózgerister eń aldymen beıresmı nemese turaqsyz tabysy bar azamattarǵa áser etedi.