InfoHub Logo

Qazaqstanda notarıýstardyń atqarý jazbalary arqyly azamattardyń shottary buǵattalyp, elden shyǵýǵa tyıym salynýy múmkin ekeni Májiliste qyzý talqylandy. Bul týraly Infohub.kz aqparat agenttigi habarlaıdy.

Májilis depýtaty Murat Ábenov respýblıkalyq Notarıýaldyq palatasynyń tóraǵasy Oleg Polýmordvınovke júginip, azamattardyń shaǵymdaryn jetkizdi. Onyń aıtýynsha, mıkroqarjy uıymdary, lombardtar men ekinshi deńgeıli bankter aldyndaǵy boryshtar boıynsha atqarý jazbalaryna qatysty shaǵymdar kóbeıgen.

Sotsyz sheshim qabyldaý

Depýtat bul norma alǵashqyda tek komýnaldyq tólemder sıaqty daýsyz talaptarǵa qoldanylady dep josparlanǵanyn aıtty. Alaıda, keıinnen atqarý jazbalary arqyly basqa da boryshtardy óndirip alý bastalǵan.

«Sizderdiń notarıýstaryńyz adamdy shaqyrmaı, onyń pikirin tyńdamaı, qujattardy usynbaı-aq sheshim shyǵarady. Osy jazbalardyń kesirinen boryshkerlerdiń shottary buǵattalyp, shetelge shyǵýyna shekteý qoıylyp, óndirip alýdyń basqa da sharalary qoldanylady», - dedi Ábenov.

Ol sondaı-aq, azamattardyń ózderiniń qatysýynsyz, olardyń artynan sheshim qabyldanyp, keıinnen ǵana biletinin aıtyp, bul jaǵdaıdyń ádiletsizdigin alǵa tartty.

Notarıýstar men sot oryndaýshylarynyń róli

Oleg Polýmordvınov notarıýstar men sot oryndaýshylarynyń jumystaryn ajyratý qajettigin atap ótti. Onyń aıtýynsha, notarıýstar shottardy aresteýmen, júrgizýshi kýáliginen aıyrýmen nemese aqshany alýmen aınalyspaıdy. Bul – sot oryndaýshylarynyń jumysy.

«Notarıýstar tek atqarý jazbalaryna negizdelgen jumystardy atqarady. Qazirgi kezde óndirip alýshy nemese kredıtor belgili bir qujattar paketimen notarıýsqa júginedi. Notarıýs olardy zerdelep, zań talaptaryna saı bolsa, atqarý jazbasyn shyǵarady. Sodan keıin adamǵa kelesi jumys kúninen keshiktirmeı habarlanady. Bul SMS arqyly da kelýi múmkin. Odan keıin boryshkerge qarsylyq bildirýge 10 jumys kúni beriledi. Eger ol dáleldi qarsylyq bildirse, notarıýs atqarý jazbasyn kúshin joıa alady», - dedi Polýmordvınov.

Ol sondaı-aq, notarıýstardyń shamamen úshten bir bóligin boryshkerlerdiń qarsylyqtaryna baılanysty kúshin joıatynyn aıtty.

Atqarý jazbasy qalaı jumys isteıdi?

Atqarý jazbasy – bul sotqa deıingi boryshty óndirip alý tetigi. Kredıtor sotqa júginbeı-aq, qajetti qujattar bolǵan jaǵdaıda notarıýstan atqarý jazbasyn ala alady. Ol sot oryndaýshylaryna jiberiledi.

Bul tetik sottardyń jumysyn jeńildetedi jáne daýsyz boryshtardy tezirek óndirip alýǵa múmkindik beredi. Alaıda, azamattar bul týraly atqarý jazbasy shyǵarylǵannan keıin, shottary buǵattalǵanda nemese sot oryndaýshylaryna borysh berilgende ǵana biletinin aıtyp shaǵymdanady.

2026 jyldan bastap atqarý jazbasyn berý tártibi ózgertildi. Endi notarıýs boryshkerge jazbanyń kóshirmesin tabystaǵannan keıin 10 jumys kúni ótpeıinshe jáne odan jazbasha qarsylyq kelmegen jaǵdaıda ǵana atqarý jazbasyn beredi.