InfoHub Logo

Demalýdy josparlap qoıdyńyz, biraq demalysyńyzdy qaıda ótkizetinińizdi bilmeısiz be? Endeshe otbasyńyzmen barýǵa bolatyn eń tanymal kýrorttar men elderge sholý usynamyz.

Demalys aldynda qaıda baryp demalsam eken dep, oıyńyz san-saqqa bólingen bolar. Demalystyń qashannan bastalatynyna qaramastan, jazda qalaı demalýdy, sáıkesinshe qaıda barýdy josparlap alyńyz.

Demalýshylardyń kópshiligi oryn ózgertýdi ǵana emes, sonymen qatar paıdaly demalys, sondaı-aq jańa jerlermen, eldermen tanysýdy da armandaıdy.

Qazirgi zamanda shetelge shyǵyp, demalý qur qıal nemese qol jetpeıtin nárse emesi belgili. Keıbireýler shet elderge bir jylda birneshe ret qydyryp ta úlgeredi. Sondyqtan, shetelde demalysqa barar kezde, qandaı elde demalǵan qolaıly ári qoljetimdi ekenin anyqtap alyńyz.

Kóbisin búdjettik nusqalar qyzyqtyrady, sondyqtan osy jazda Qazaqstannan qaı elge demalysqa barý qaltańyzǵa áldeqaıda arzanyraq  túsetinine toqtala keteıik. Demalys oryndarynyń jaıly ári tıimdi tizimi:

Bolgarıa

Bul eýropalyq elde, Qara teńizdiń jaǵalaýynda demalýdyń eń únemdi nusqasy. Ushý bar bolǵany birneshe saǵatty alady. Barlyq qonaq úılernde demalýshylardy aerovokzaldan demalys ornyna tikeleı jetkizetin yńǵaıly transferi bar.

Bolgarıa týrısterge tómendegilerdi usyna alady:

1. Jaǵajaıdaǵy demalys, taý shańǵy kýrorttary, mıneraldy sýlarda sanatorıalyq emdeý.

2. Taza ári tegin jaǵajaılar, kórkem tabıǵat.

3. Arzan da dámdi túrli taǵamdar.

4. Tómen baǵaly kıimder, aıaq kıim, aksesýarlar, parfúmerıa. Ásirese týrıser arasynda erekshe tanymaldylyqqa ulttyq keste salynǵan bar zyǵyr kıimder, kúmis áshekeıler, bylǵary sómkeler, klachalar, beldikter jáne t.b. ıe.

5. 3 myń jyldyq tarıhy bar Sofıaǵa barý nemese 6 myń jyl tolǵan Plovdıvti kórý múmkinigin eshkim jiberip alǵysy kelmeıtin bolar. Sondaı-aq kórneki oryndary: Pırın parki jáne Raýshangúl alqaby, Bolgarıanyń Ierýsalımi — Rılskıı shirkeýi.

Bolgar qonaq úılerinde demalý — jańa áser beretin naǵyz mereke bolmaq.

Grekıa

Grekıa arzan baǵada, tamasha ári tanymdyq demalys úshin taptyrmas oryn. Atap aıtsaq:
 
1. Egeı, Ion jáne Jerorta teńizderiniń jaǵajaılaryndaǵy keremet demalys.

2. Tamasha Jerorta teńiziniń asqanasy.

3. Antıkalyq sáýlet jáne mádenıetpen tanysý. Grekıanyń árbir buryshy tunyp turǵan ańyz.

4. Jumsaq klımat jáne ádemi tabıǵat.

5. Tolyq qyzmet kórsetetin qonaq úıler.

6. Arzan ónimder men qyzmet.

7. Búdjettik saýda-sattyq (tabıǵı teriden tigilgen ádemi tondardy tómen baǵamen satyp alýǵa bolady). Týrıser arasynda erekshe suranysqa ıe záıtún men záıtún maıy, túrli dámdeýishter men shóp shaılary.

Óz betinshe demalǵysy keletinder jeke páterdi, apartamentterdi nemese kotejderdi jalǵa ala alady.

Týrısterdiń Mekkesi — Túrkıa

Bul eldiń kýrorttary eń tanymal, munda kelýshilerdiń sany óte kóp. Munyń bári servıs deńgeıiniń, demalys jaılylyǵy men klımattyń jumsaqtyǵynyń, jaǵajaılar men teńiz tazalyǵynyń arqasynda bolar.

Túrkıa demalýshylarǵa:

1. All inclusive júıesindegi qonaq úıler.

2. Balalar úshin kóńildi anımatorlardyń qyzmeti.

3. Kórnekti jerlermen tanysý: ejelgi Vızantıanyń kóne eskertkishteri men sáýleti, (Osman ımperıasynyń gúldenýi kezeńindegi) uly Sultan Súleımenniń basqarýymen baılanysty tarıhı oryndar.

4. Arzan shopıng. Túrkıadan barlyǵyn taba alasyz: talǵamyńyzǵa saı matalar, altyn men kúmisten jasalǵan áshekeıler, bylǵary jáne teri buıymdary. Eger saýdalassańyz (al túrikter saýdalasqanda aldyna jan salmaıdy), aıtqan baǵanyń jartysyna deıin túsirýge ábden bolady.

5. Orys jáne aǵylshyn tilderinde qyzmet kórsetiledi.

Túrkıada óz betinshe demalýǵa bolady, biraq turǵyn úı máselesin aldyn-ala kelisip alǵan jón. Sebebi baǵalar maýsymǵa jáne jaǵajaılardyń alystyǵyna baılanysty únemi ózgerip otyrady.

Mysyr

Túrkıaǵa basty básekeles eldiń biri. «Bári qosylǵan» qaǵıdaty boıynsha sapaly qyzmet kórsetýmen jáne demalys búdjettigimen tanymal.
Mysyr týrıserdi mynadaı usynystarmen tartady:

1. Biregeı jáne ár túrli bolǵan ósimdik pen janýar álemimen, Qyzyl jáne Jerorta teńizderimen kez-kelgen demalýshyny qyzyqtyrary sózsiz. Bul jerge daıvıng áýesqoılary kóptep keledi, sebebi bul jerlerdiń ekologıalylyǵy sý asty áleminiń jáne onyń turǵyndarynyń sulýlyǵy lázzat alýǵa tolyq múmkindik beredi.

2. Afrıka óziniń ekzotıkalyq kórikti jerlerimen kóz tartady. Perǵaýynnyń pıramıdasyn (mysaly uly Sfınksti) tamashalaýdy, shóldegi bádeýınderdiń ómirin kórýdi, túıelerge otyryp serýendeýdi kim armandamaıdy dersiń.

3. Damyǵan ınfraqurylymy bar.

4. Qalta kótererlik shopıng. Mysyrdan týrıser túıelerdiń terisinen jáne júninen jasalǵan zattardy, qolmen toqylǵan kilemderdi, hosh ıisti maılardy, áshekeılerdi, papırýstar men kalándardy kóptep satyp alady.

Mysyr týrıser úshin jyl boıy ashyq. Kóktemgi, qysqy kezeńderde baǵa jaz maýsymyna qaraǵanda arzanyraq bolatyny anyq. Biraq, qonaq úıdi jaldaý týraly aldyn ala oılanǵan durys. Osylaısha Mysyrda keremet demalys ótkizýge bolady.

Taıland

Týrıserge qolaıly, erekshe mádenıeti bar ekzotıkalyq azıalyq el. Munda demalýshylardy qyzyqtyratyn dúnıeler az emes:

1. Úndi muhıtynyń sulýlyǵy.

2. Eldiń dástúrlerimen, biregeı Shyǵys mádenıetimen, kórnekti oryndarymen, sondaı-aq sáýletimen tanysý.

3. Spa-qyzmetterdiń keńeıtilgen keshenin qabyldaý, sonyń ishinde ekzotıkalyq, mysaly: pilmen jasalatyn massaj.

4. Arzan shopıng.  Jergilikti bazarlar jibek, kúmis bıjýterıa, injý jáne asyl tastarmen áshekeılengen sapaly zattardy, farfordan jasalǵan buıymdardy usyna alady.

5. Arzan azyq-túlikter, ásirese jemister.

Mamyr aıynyń ortasynan bastap qyrkúıekke deıin Taılandta maýsymaralyq kezeń. Bul kezeńde demalýǵa baǵa birneshe ese tómendeıtini bar.

Úndistan

Úndistanǵa demalýshylar tek jaǵajaılarda qyzdyryný úshin ǵana emes, sonymen-qatar osy eldiń tarıhı jáne mádenı eskertkishterimen tanysý úshin barady.

Úndistan týrısterge ne usyna alady:

1. Goa, Kerala jáne Gokarna araldarynyń jaǵajaılaryndaǵy umytylmas demalys. Appaq qum jáne kók muhıttyń kórinisi keremet jáne erekshe.

2. Qaltaǵa qalyń túspeıtin demalys.

3. Ár túrli ekskýrsıalar. Úndistanda baratyn jerler kóp-aq: Tadj-Mahal, Adjant úńgiri, Djaısalmer forty, Altyn hram (Harmandır-Sahıb), Vırýpakshı hramy, Itemad-ýd-Daýly mazary, Pıkola kóli saraıy jáne t.b.

4. Shopıng. Úndistanda kashemır, kilem, jibek sarı, sháli jáne beldemshe, zyǵyr sarafandar men kóılekter, dámdeýishter, bambýktan, sandal aǵashy jáne úndi jańǵaqtarynan jasalǵan túrli músinder, áshekeıler satyp alýǵa bolady. Zattar sapasy joǵary, al baǵasy tómen.

Úndistanǵa saıahat jasaýda qazaqstandyqtar úshin bir qolaısyzdyq bar, ol — vıza ashý. Sondyqtan mundaı saparǵa aldyn ala daıynyq  kerek.

Shrı-Lanka

Seılon shaıyn jaqsy kóresiz be?  Endeshe, shaı japyraqtary jınalatyn elge barýyńyz kerek. Shrı-Lanka — Úndistannyń araldyq kórshisi.

Bul el nesimen tartymdy:

1. Tropıkalyq klımatymen, taza ári appaq jaǵajaılar, ashyq kók muhıtymen.

2. Ejelgi býdda hramdaryna, shaı plantasıasyna jasalatyn ekskýrsıalarymen.

3. Jaldaý quny áldeqaıda arzan qonaq úıleri, sondaı-aq, turǵyn úıdi arzan baǵamen óz betinshe alýǵa múmkindigimen.

4. Kóz tartarlyq jáne arzan áshekeılerimen, bylǵarydan jasalǵan buıymdar, tabıǵı shaıymen.

Bul elge saıahatyńyz sátti bolsyn deseńiz, áýe bıleti týraly aldyn ala oılap, qamdanyp alǵanyńyz jón.

Osy usynystardy qarap, qaı elge baratynyńyzdy saralap alyńyz. Jeke demalysta tájirıbesi joq adamdardyń týrısik operatorlarǵa júginýine bolady. Basqa elderge birneshe ret ushqan jáne baǵalarmen etene tanys adamdar ózine tamasha jazǵy demalys jasaı alatyny sózsiz.

Oqýǵa keńes beremiz:

Qazaqstannyń kóz toımas kórikti jerleri

Adamnyń kóbi bile bermeıtin 10 el

Qazaqstannyń kóz jaýyn alar mekenderi

Jalǵyz saıahattaýǵa bolatyn álemdegi eń qaýipsiz elder

Halqy eń tyǵyz shoǵyrlanǵan álemniń 15 qalasy

Álemdegi sýretke jıi túsiriletin 25 qala

Álemdegi eń tańǵajaıyp 16 shaǵyn eldimeken

Amsterdam qalasy týraly qyzyqty derekter

Álemniń eń kishkentaı alty qalasy

Tanymal kórikti jerlerdiń ishki kórinisi

---