Qazaqstannyń 14 jasqa deıingi tenısshiler quramasy tuńǵysh ret irikteý fınalynda
Qazaqstannyń jas tenısshileri tarıhta alǵash ret World Junior Tennis Competition týrnıriniń Azıa/Okeanıa aımaǵy boıynsha irikteý kezeńiniń fınalyna joldama aldy. Bul – elimizdiń 14 jasqa deıingi ulttyq quramasy úshin zor jetistik.
Malaızıanyń Kýchıng qalasynda ótip jatqan bedeldi jarystyń jartylaı fınalynda Sagadat Aıap jattyqtyratyn jasóspirimder quramasy Gonkong komandasyn 2:1 esebimen tize búktirdi. Quramanyń tabandylyǵy men daıyndyǵy sheshýshi sátte óz nátıjesin berdi.
Fınal 14 sáýir kúni ótedi. Qazaqstandyqtar sheshýshi kezdesýde Japonıa quramasymen kortqa shyǵady. Aıta keteıik, buǵan deıin toptyq kezeńde dál osy Japonıaǵa 1:2 esebimen jol bergen bolatyn. Endi jerlesterimizde qarymta qaıtarýǵa naqty múmkindik bar.
Bul nátıje – qazaqstandyq tenıstiń damyp kele jatqanyn kórsetetin jarqyn dálel. Jas sportshylar men olardyń bapkerlik quramyna jankúıerler úlken senim artyp otyr.
You Might Also Like
-
AQSH pen Reseı Saýd Arabıasynda birqatar mańyzdy máseleler boıynsha kelissóz júrgizip, ózara kelisimge qol jetkizdi.
-
Reseılik bankterdiń SWIFT júıesine qaıta qosylýy múmkin ekeni habarlandy. Bul sheshim AQSH pen Reseı arasyndaǵy Qara teńizdegi atysty toqtatý týraly kelisimniń nátıjesinde qabyldanǵan.
