InfoHub Logo

Ulybrıtanıanyń bedeldi The Economist basylymy jarıalaǵan jańa karıkatýralyq sholý men saraptamalyq maqalada AQSH-tyń álemdegi «erkindik mekeni» retindegi beınesiniń álsiregeni aıtyldy. Basylymnyń pikirinshe, qazirgi tańda erkindik, demokratıa jáne azamattyq quqyqtardy qorǵaý jaǵynan Eýropa AQSH-tan áldeqaıda alda tur.

Maqalada Amerıka Qurama Shtattarynyń Táýelsizdik deklarasıasyndaǵy: «ómir súrý, erkin bolý jáne baqytqa umtylý – ajyratylmas quqyqtar» degen tujyrymǵa erekshe nazar aýdarylǵan. Alaıda The Economist bul sózderdiń búgingi AQSH shyndyǵymen úılespeıtinin atap kórsetip, ılústrasıa arqyly da astarly mysqyl tanytty.

– Qazir bul quqyqtardy qamtamasyz etýge qaýqarly jalǵyz qurlyq – Eýropa, – dep jazady basylym, eki jaǵalaýdaǵy saıası jaǵdaıdy salystyra otyryp.

Maqalada atap ótilgendeı, AQSH-taǵy sońǵy jyldardaǵy saıası polárızasıa, sot júıesine degen senimniń azaıýy, sóz bostandyǵy men jeke quqyqtar salasyndaǵy shekteýler eldiń «erkindik sımvoly» mártebesine kúmán týdyrǵan. Al Eýropa elderi, kerisinshe, quqyqtyq memleket pen adam erkindigin saqtaý baǵytynda turaqty saıasat júrgizip otyr.

Bul jarıalanym qoǵamda qyzý pikirtalas týdyryp, jahandyq kóshbasshy retindegi AQSH beınesiniń ózgerip bara jatqanyn taǵy bir márte kórsetti.