InfoHub Logo

Aqyn Tanagóz Tolqynqyzy qazaq qoǵamyndaǵy rýhanı qundylyqtardyń joǵalýyna alańdaýshylyq bildirip, áleýmettik jelidegi paraqshasynda óziniń ótkir oıyn ortaǵa saldy. Onyń pikirinshe, qazirgi qazaqtar táýelsizdigin saqtap qalýdan qaýiptenýi tıis.

Bul týraly Infohub.kz aqparat agenttigi habarlaıdy.

Ulttyq sananyń tómendeýine alańdaýshylyq

Aqynnyń aıtýynsha, qazirgi qazaq qoǵamyndaǵy keıbir jaǵymsyz kórinister ulttyń bolashaǵyna qaýip tóndiredi. Ol muny bylaısha sıpattaıdy:

«Qazaqtar táýelsizdigin saqtap qala almaıdy. Sebebi, biz sapasyz ultqa aınalyp baramyz. Prınsıpi joq, nadan ult qalyptasty. Jaǵympaz, ótirikshi, ekijúzdi, satqyn, namyssyz, feık, psevdo ult bolyp baramyz. Óz tilinde sóılemeıdi. Quldyq sana etimizden ótip, súıegimizge jetken. Eshkimge eshteńe kerek emes. Qorqaq, maqtanshaq, daraqy, krıtıkalyq oılaýdan jurdaımyz. Beıǵam, jaıbaraqat ómir súrip jatyrmyz. Basymyzǵa kim kóringen aıaǵyn súrtip kete beredi. Álsiz, qaýqarsyz, dármensiz halyqqa aınaldyq. Bir-birimizge qaıyrymsyz, tasbaýyrmyz. Bir-birimizdi ıttiń etinen jek kóremiz.

Ózimizdi-ózimiz tonap, óz tamyrymyzdan ajyraǵan tobyrǵa aınaldyq. Ury ult bolyp baramyz. Bul – qazirgi bizdiń basty qasıetimiz. Jeý úshin jaratylǵandaımyz. Qaı jerden neni jymqyryp jep qalýdy oılaımyz. Qundylyq joq. Qarnymyz toısa, bárin satamyz. Adam emes, tek qulqyndy kóremin. Sender erteń óz tilderińdi umytyp, joq bolasyńdar. Astanany basyp alǵan qara qumyrsqalar bul eldi tastap, óz otanyna qaıtpaıdy. Olar kelgen jerin óz otany sanaıdy. Sebebi, prınsıpi joq ulttyń jerin de, tilin de, týyn da, táýelsizdigin de aqshaǵa satyp jiberetinin biledi. Sender endi ózgermeısińder!» – dep jazdy aqyn.

Qoǵamnyń pikiri

Aqynnyń bul jazbasy áleýmettik jeli qoldanýshylary arasynda qyzý talqyǵa tústi. Kópshilik onyń aıtqan sózderiniń búgingi qoǵamdaǵy ashshy shyndyqty kórsetetinin aıtyp, qoldaý bildirdi. Keıbir oqyrmandar qazirgi qoǵamdaǵy máselelerge nazar aýdaryp, jastardyń taǵdyryna alańdaıtyndaryn jetkizdi.