InfoHub Logo

Semınar sabaq «Qazaqtyń ulttyq mýzykalyq aspaptary»
Maqsaty: Qazaq halqynyń kóne aspaptarynyń shyǵý tarıhyn este saqtaýǵa baýlý.
Damytýshylyq: Aspaptyń únimen, syr - sıpatymen tanystyrý. Halyq mýzykasyna degen súıispenshilikti arttyrý.
Bilimdilik: Este saqtaý, estý, yrǵaq seziný qabiletterin damytý.
Mindeti: Mýzykanyń adam ómirindegi mańyzyn tereń túsindirý, adamgershilikke, ásemdikke, sulýlyqqa tárbıeleý. Oqýshyny sóıleýge, oıyn tujyrymdaýǵa úıretý.

Uıymdastyrý bólimi
Úı tapsyrmasyn tekserý
Jańa sabaqty meńgerý
Sabaqty bekitý
Sabaqty qorytyndylaý
Úıge tapsyrma berý

Sabaq jospary:
1. Úı tapsyrmasy. Halyq kúıi «Aqsaq qulan» sýretteý.
2. Dombyra týraly ańyz.
3. Dombyra aspabynyń qurylysymen tanysý.
4. Mýzyka saýaty. Dombyrada oınaıtyn on saýsaq.
5. Mýzyka tyńdaý. N. Tlendıev «Ata tolǵaý»
6. Qobyz aspabymen tanysý.
7. Qobyz aspabynda kúı tyńdaý.
8. Ulttyq aspaptarmen tanysý.
9. Aspapta oınaý. Ulttyq aspaptar. «Jumyrly qylysh»
10. Sabaqty qorytyndylaý sózjumbaq sheshý.
11. Úıge tapsyrma. Sazdy aspaptar syry taqyrybyna sýret salý.

Úı tapsyrmasyn tekserý.
Halyq kúıi «Aqsaq qulan». Basty keıipkerlerdi sýretteý.
Oqýlyqpen jumys:
«Ertede bir ańshy jigit bolypty, sol ańshy jigit bıik taýdyń qıasyn, qalyń qaraǵaıdyń arasyn turaq etken buǵy maraldan aýlap, kásip etse kerek. Birde joly bolyp, bıik taýdyń qıasynan teńbil maral atyp alady da, maraldy etekke túsirý úshin ishek - qarynyn aqtaryp alyp tastaıdy.
Sodan arada aılar ótkende ańshy jigit ań atýǵa urymtal jer edi ǵoı dep baıaǵy teńbil maraldy atqan jerge soqsa, qulaǵynan bir yzyńdaǵan daýys estiledi. Barlap qarasa, ótkende atqan maraldyń ishegin qarǵa - quzǵyn ilip ushqan bolý kerek, qaraǵaıdyń butaǵyna qos tin bolyp kerilip qalǵanyn kóredi. Yzyńdaǵan dybystyń sol ishekten shyǵyp turǵanyn ańǵarady. Qaraǵaıdyń butaqtaryna kerile kepken ishekti sál ǵana jel terbese yzyńdap, janǵa jaıly dybys shyǵarady. Onyń ózi birde ýildep, birde sarnap, endi birde syńsyp jylaǵandaı bolyp, ańshy jigitti alýan túrli kúıge túsiredi.