Tengrinews.kz / Marjan Kýandykova
Qazgıdromet Almaty, Astana jáne taǵy tórt qala turǵyndaryn aýa sapasynyń nasharlaýynan saqtandyrdy
Qazgıdromettiń resmı saıtynda Almaty, Astana jáne Qaraǵandy, Temirtaý, Petropavl, Pavlodar qalalarynyń turǵyndaryna arnalǵan aýa sapasy boıynsha eskertý jarıalandy. Boljam boıynsha, 27 naýryzda bul qalalarda qolaısyz meteorologıalyq jaǵdaılar oryn alady.
Bul jaǵdaı aýanyń lastanýyna yqpal etetin tynyq aýa raıy, jeldiń álsizdigi, tuman jáne ınversıa sıaqty faktorlardyń jıyntyǵynan týyndaıdy. Mundaı jaǵdaıda atmosferanyń jer betindegi qabatynda zıandy zattar jınaqtalady.
Qalalar boıynsha boljam
Astanada aınymaly bultty, jaýyn-shashynsyz bolady. Túnde jáne tańerteń joldarda kóktaıǵaq saqtalady. Shyǵys baǵyttaǵy jel 3-8 m/s jyldamdyqpen soǵady. Aýa temperatýrasy túnde 2-4 gradýs aıaz, kúndiz 9-11 gradýs jyly bolady.
Almatyda aınymaly bultty, jaýyn-shashynsyz aýa raıy kútiledi. Ońtústik-shyǵys jel batysqa aýysyp, 3-8 m/s jyldamdyqpen soǵady. Aýa temperatýrasy túnde 6-8 gradýs jyly, kúndiz 22-24 gradýs jyly bolady.
Qaraǵandyda aınymaly bultty, jaýyn-shashynsyz, keıde tuman bolady. Shyǵys, soltústik-shyǵys jel 3-8 m/s jyldamdyqpen soǵady. Aýa temperatýrasy túnde 0-2 gradýs jyly, kúndiz 13-15 gradýs jyly bolady.
Petropavlda aınymaly bultty, jaýyn-shashynsyz, tuman, kóktaıǵaq bolady. Ońtústik-shyǵys jel 2-7 m/s jyldamdyqpen soǵady. Aýa temperatýrasy túnde 0-2 gradýs jyly, kúndiz 9-11 gradýs jyly bolady.
Pavlodarda aınymaly bultty, jaýyn-shashynsyz, tuman bolady. Túnde jáne tańerteń joldarda kóktaıǵaq saqtalady. Soltústik-batys jel 5-10 m/s jyldamdyqpen soǵady. Aýa temperatýrasy túnde 0-2 gradýs aıaz, kúndiz 10-12 gradýs jyly bolady.
-
Na torjestve v chestbrakosochetanıa syna ızvestnyh artısov Janbolata ı Jazıry razygralı avtomobıl sredı gosteı. Eto stalo nastoıashım súrprızom.
-
Kazakhstan's national weather service warns of deteriorating air quality in six major cities on March 27 due to unfavorable meteorological conditions.
