InfoHub Logo

Poshta operatory 2018 jyldyń basynda «Qazposhta qyzmetterin úshinshi tulǵalar arqyly kórsetý úshin franchaızıń modelin engizý» jobasyn bastaǵan bolatyn. Jobanyń basty maqsaty – poshta qyzmetterin halyqqa  qoljetimdi etý.

«Búgingi kúni Qazaqstannyń barlyq qalalarynda Qazposhtanyń 100 franchaızer-seriktesteri jumysyn atqarady», – dep habarlady Qazposhtanyń baspasóz qyzmeti.

«Biz franchaızer-seriktesterimizge daıyn baǵdarlamany usynamyz, qyzmetkerlerin úıretip, uıymdastyrýshylyq jáne marketıńtik,  sondaı-aq kóliktik-logıstıkalyq súıemeldeý jumystaryn kórsetemiz. Mundaı seriktestiktiń arqasynda shaǵyn jáne orta bıznester tabys tabýda, al Qazposhta óz jelisin keńeıtýde», – deıdi «Qazposhtanyń» komersıalyq departamentiniń dırektory Zamıra Jumaǵul.

Endi poshta bólimshelerine barmaı-aq sálemdemelerdi alýǵa nemese jiberýge, áýe jáne termirjol bıletterin satyp alýǵa, komýnaldyq tólemderdi jáne salyqtardy tóleýge bolady. Kásipkerler dúkenderinde, janar-jaǵarmaı quıý stansıalarynda jáne basqa da jerlerde Qazposhtanyń qyzmetterin kórsetip, sonymen qatar óz taýarlaryn sata alady.

Anyqtama úshin aıta ketsek, franchaızıń – belgili bir kompanıa kelisimsharttyq qatynas arqyly belgili bir adamǵa, kompanıaǵa nemese uıymǵa óziniń ataýyn, onyń bedelin, ónimderi men qyzmetterin, marketıńtik tehnologıalardy, saraptamany jáne qoldaý mehanızmderin paıdalaný quqyǵyn beretin bıznes-uıym úlgisi.

---