InfoHub Logo

S.Seıfýllın atyndaǵy №165 orta mekteptiń
10 synyp oqýshysy Saǵyntaıqyzy Aıaýlym                                                                                                                                               

Qyzylorda  OİİD  EBQKB tarapynan jarıalanǵan saıysqa

Ómir... Bul sózdi biz qanshalyqty túsinemiz, qanshalyqty baǵalaımyz? Bul ómirge bizdi ne úshin jaratty? Bizdiń maqsatymyz ne? Osy suraqtarǵa bir sát oı toqtatyp kórdik pe? San suraq qoıylady, jaýaby da onyń san alýan bolýy ǵajap emes. Degenmen, osy tirlikte adam bolyp dúnıe esigin ashqan soń, adam bolyp ómir súrýimiz kerek.

Qazir ǵylym men tehnıka kún sanap ózgerip, saǵattap túrlenip jatyr. Osy kóshten qalmaý úshin bilimniń bıiginde bolyp, boıymyzdy taza ustaýymyz qajet. Desek te keı jastarymyz óz ómirine, densaýlyǵyna balta shabýǵa qushtar-aq keledi. Shylym shegip, nashaǵa táýeldi bolyp, máni men maǵynasy joq "lázzátqa " qushtar bolady. Shylym shegý - eseıgendik belgisi dep sanaıtyndar da kezdesedi. Árıne bul aldamshy pikir. Shyn eseıý - shylym men nasha emes, salaýatty ómir saltyn saqtap, otbasyna qamqorshy bolý emes pe?

Keremetteı balalyq shaǵynda ózin zıankesti ádetterge úıretip, bolashaǵyn bulyńǵyr etken jastarǵa  "Oılan!" degim keledi. Seni anań ne úshin mápelep ósirdi, ákeń ne úshin qarajat taýyp, bar qajetińdi taýyp berdi? Sol ata-anańnyń aıalap, mápelep ósirgen eńbegin óteýiniń jemisi - seniń jaqsy oqý ornyna túsip, salaýatty ómir saltyn ustanyp, jetistikke jetkeniń.

Bolashaǵyń baqytqa oranyp, armanyń asqaq bolsyn deseń - zıankesti zattardan aýlaq bolyp, dostaryńa da talap qoıa bil! Bul seniń óz densaýlyǵyńa, dosyńa degen adal nıetiń dep túsin? Men saǵan senemin, jas Dos!

---