InfoHub Logo

ál-Farabı atyndaǵy Qazaq ulttyq ýnıversıteti –Qazaqstan Respýblıkasynyń jetekshi ári úzdik ýnıversıtetiniń biri. Bul oqý orny bilimdi shákirtti ǵana emes, bilikti maman daıarlaýǵa da kóp kóńil bóledi. 1934 jyly qurylǵan bul oqý orny qazirgi kezde álemdik deńgeıdegi ýnıversıtettermen teń dárejede tur. 

Qazaq ulttyq ýnıversıteti   talaı stýdentterdiń asqaq armanyn oryndap, jol kórsetken oqý orny. Munda kóptegen ataqty aqyn-jazýshylarymyz, tilshilerimiz bilim nárimen sýsyndaǵan. Mysaly, Á.Nurshaıyqov, K.Ahmetova, Z.Qabdolov, B.Kenjebaev, A.Qyraýbaıqyzy, t.b. ataqty túlekterimizdi aıtýymyzǵa bolady. Bul oqý ornymyzdyń úzdik ekeniniń dáleli bolyp tur.

Qazirgi tańda QazUÝ-da bilim alýǵa, ózin-ózi jetildirýge       mol múmkindikter jasalǵan. QazUÝ qalashyǵynyń barlyq aımaǵy Wi-Fi symsyz jelisimen qamtylǵan. Onyń kez kelgen núktesinde ár stýdent ýnıversıtet birlestiginiń jelisinde jumys isteýmen qosa, Internetke tegin qosylý múmkindigine ıe boldy. Sonymen qatar táýlik boıy isteıtin 300 oryndyq jańa Internet-kafe jumys isteıdi. Ó.A. Joldasbekov atyndaǵy Stýdentter saraıy – QazUÝ qalashyǵynyń injý-marjany. Munda Qazaq ulttyq aspaptar orkestri, kórkemóner úıirmeleri, «Biz» stýdentter teatry, KTK komandasy jumys isteıdi. Sportpen aınalysýǵa barlyq jaǵdaı jasalǵan (QazUÝ qalashyǵynyń sport kesheni, Stýdentterdiń sporttyq klýby, túrli seksıalar, densaýlyq toptary). Qyzmetkerler men stýdentterdiń spartakıadasy udaıy ótkizilip, olardyń qalalyq jarystarǵa qatynasýy qamtamasyz etiledi.

Ýnıversıtet stýdentteriniń ómiri qyzyqtylyǵymen ári alýandyǵymen erekshelenedi. Ol tek dárister men semınarlarǵa qatysýmen ǵana shektelmeıdi. Olar shalqyǵan shyǵarmashylyq qýat pen jastyq jalyndy, balǵyn talantty shyńdaıtyn teatr stýdıalary men poetıkalyq klýbtarǵa, kóńildi jáne tapqyrlar saıysyna belsene qatysady.

QazUÝ-da tek bilim alyp qoımaı, bilimimizdi túrli tájirıbelik jumystar arqyly synaı alamyz. Qazirgi tańda 4-kýrs stýdentteriniń 

«Ahmet Baıtursynuly «Til-qural» oqý-ádistemelik, ǵylymı-zertteý ortalyǵynan» óndiristik tájirıbeden ótýi osy bastamalardyń dáleli deýge bolady. Tájirıbe jumysynyń negizgi maqsaty – stýdentterdiń pedagogıkalyq qyzmettiń negizgi fýnksıalaryn meńgerýi, pedagogıkalyq quzyrettilikti, kásibı qasıetterdi qalyptastyrý jáne damytý, ǵylymı baılanystardy júzege asyratyn negizgi uıymdardyń, mekemelerdiń qyzmetimen tanystyrý.  

Murajaı jetekshisi Imahanbet Raıhan Saqybekqyzy bizdiń óndiristik tájirıbemizge basshylyq etip, atqarylýy tıis jumystardy túsindirip, baǵyt-baǵdar kórsetip otyrdy.

Sonymen qatar, Mekebaeva Leıla Adamqyzy bizdiń  atqaratyn jumysymyzdy bólip berip, qalaı oryndaǵanymyzdy tekserip, qatemizdi túzetip otyrdy. Bul tájirıbeden ótý arqyly biz Ahmet Baıtursynuly týraly bilimimizdi keńeıtip, eńbekterimen tolyqtaı tanystyq. Bul tájirıbeden úırengenimiz kóp boldy.  Aldaǵy ýaqytta da úırenerimiz kóp bolady degen senimdemiz.

Qoshym-Noǵaı Aqerke

Ál-Farabı atyndaǵy Qazaq ulttyq ýnıversıteti

Fılologıa jáne álem tilderi fakúlteti qazaq tili men ádebıeti mamandyǵynyń 4-kýrs stýdenti

Mekebaeva Leıla Adamqyzy, f.ǵ.k, aǵa oqytýshy

---