InfoHub Logo

Qazirgideı bilimniń qadiri barynsha artqan, aqparatty tehnologıalar zamanynda elimizde joǵary bilim berýmen aınalysatyn mekemeler az emes – bul, árıne zańdy qubylys. Alaıda sol tolyp jatqan oqý oryndarynyń bári birdeı zaman, qoǵam talabyna tolyq jaýap beredi dep aıtý qıyn.

Joǵarǵy oqý oryndarynyń ishindegi shoqtyǵy bıik, dara ýnıversıtet – ústimizdegi jyly 85-jyldyq mereıtoıyn atap ótken, kónekóz ýnıversıtet – ál-Farabı atyndaǵy Qazaq ulttyq ýnıversıteti bolyp tabylady. Bul ýnıversıtet óziniń uzaq ǵumyrynda qalyptasqan baıypty da baısaldy tájirıbesimen erekshelenetin dástúrshil oqý orny ǵana emes, sondaı-aq zamana talabyna der kezinde jaýap berýshi, bilim berýdiń jańa tehnologıalaryn birinshi bolyp ıgerýshi, jańashyl ýnıversıtet te. Bul baǵytta ýnıversıtette sońǵy jyldary Elbasymyz N.Á.Nazarbaevtyń tapsyrmasyn iske asyrýda kóp jumystar atqarylýda.

Qazaqstandyq ýnıversıtetterdiń ishinde alǵash ret – ál-Farabı atyndaǵy QazUÝ álemdegi 800 eń úzdik ýnıversıtetter arasynda 207 orynǵa ıe bolyp, QS «World University Rankings» halyqaralyq reıtıńisinde kóterildi. Bul topqa postkeńestik keńistikten tek eki ýnıversıtet kiredi: QazUÝ jáne Lomonosov atyndaǵy Máskeý memlekettik ýnıversıteti (RF).

1934 jydy irge tasy qalanǵan zań fakúlteti kóptegen jańarý men ózgeristerdi basynan ótkerdi. Qazirgi tańda zań fakúltetinde quqyqtaný jáne keden isi mamandyqtary boıynsha mamandardy daıyndaıdy. Stýdentterdi daıarlaý úderisi orta bilim jáne joǵary bilim negizinde júzege asyrylady. Sonymen qatar zań fakúltetiniń stýdentteri magıstratýra jáne PhD doktorantýrasyna túsýge múmkindikteri bar.

Búgingi tańda zań fakúltetiniń eń kúrdeli ǵylymı-tájirıbelik máselelerdi sheshýge múmkindik beretin jaqsy ǵylymı áleýeti bar. Fakúltette bir QR UǴA akademıgi, 30 doktorlar men profesorlar, 80-nen asa ǵylym kandıdattary, dosentter, sonymen qatar QR Parlamenti, QR Úkimeti, QR Prezıderti Ákimshilikgi, QR Joǵary Soty, Quqyq qorǵaý organdary men ǵylym Akademıasynan joǵary tájirıbeli mamandar jumys jasaýda. Olardyń basym kópshiligi shet tilderin meńgergen, AQSH, Eýropa, Týrkıa jáne ózge de memleketterde taǵylymdamadan ótip kelgen.

 Zań fakúlteti memleket pen quqyqtyń ózekti máseleleri boıynsha respýblıkalyq jáne halyqaralyq konferensıalardyń, sondaı-aq Qazaqstan stýdentteri arasynda jyl saıynǵy respýblıkalyq quqyqtyq olımpıadanyń turaqty uıymdastyrýshy bolyp tabylady. Fakúltet quramynda ǵylymı jáne oqý ádebıettiniń baı qory, sonyń ishinde muraǵat materıaldary bar kóne kitaphan bar. Stýdentter arnaıy mamandyrylǵan, sonymen qatar magıstranttar men doktoranttarǵa arnalǵan oqý zaldarynda sabaqtaryna daıyndalady, qazirgi zaman talabyna saı kompúterlik tehnıkamen jabdyqtalǵan kompúterlik synyptar, «Internet Zaldary» bar.

Zań fakúltetinde Qazaqstan SOROS qorynyń qoldaýymen Stýdenttik zań klınıkasy ashyldy jáne úzdik stýdentter halyqqa zań keńesin berý arqyly tabysty jumys jasaýda. Zań fakúltetinde- stýdenttik ómir qyzyqty ári mazmundy. Árdaıym sporttyq jarystar jáne konkýrstar uıymdastyrylyp turady.

Zań fakúlteti túlekteriniń arasynda QR sot jáne quqyq qorǵaý organdary, prokýratýra organdary, İİM, qarjy polısıasy, QR Ádilet mınıstrligi basqarmalarynyń basshylary az emes. Bizdiń túlekter QazUÝ-dyń zań fakúltetiniń stýdentterin jumysqa belsendi qabyldaıdy.

Beknazarova Baıan Maratalıqyzy Zań ǵylymdarynyń magıstri, Ál-Farabı atyndaǵy Qazaq Ulttyq Ýnıversıtetiniń zań fakúltetiniń  qylmystyq quqyq, qylmystyq is júrgizý jáne krımınalısıka kafedrasynyń oqytýshysy

---