InfoHub Logo

Mýhtarova Aıgerım Mýratqyzy

Ál-Farabı atyndaǵy QazUÝ-dyń 1-kýrc magıctranty

Ǵylymı jetekshici: Tólebaev Turǵanjan Ábeýuly t.ǵ.d., profeccor

Stýdentter men túlekterdiń jumysqa ornalasýy men mansaptyq ósýi aıasyndaǵy joǵary oqý orny men uıymdardyń, memlekettik mekemelerdiń yntymaqtastyǵy jas mamandarǵa beriletin úlken múmkindik. Joǵary oqý ornynyń jumys berýshilermen yntymaqtastyǵy, túlekterdi sapaly daıyndaýdyń sharty bolyp tabylady. Osy oraıda, Qazaqstan Respýblıkasy Prezıdentiniń Arhıvi birneshe jyl boıy Qazaq Ulttyq Ýnıversıtetimen tyǵyz yntymaqtastyq júrgizýde. Búginde QazUÝ túlekteri arhıv qyzmetkerleriniń edáýir bóligin quraıdy jáne arhıv jumys berýshi retinde sapaly jas mamandardy daıyndaýǵa at salysýda.

2018 jyldyń qazan aıynda QazUÝ rektorymen kezdesý barysynda QazUÝ rektory Ǵ. Mutanov Memlekettik baǵdarlamalardyń basym baǵyttaryna sáıkes kadrlardy daıarlaý, túlekterdi jumysqa ornalastyrý jáne birlesken bilim berý jobalaryn ótkizý máselelerin kóterdi. Kezdesý qorytyndysy boıynsha dýaldy bilim berý salasyndaǵy yntymaqtastyq týraly Memorandýmǵa qol qoıyldy.

Dýaldi oqytý júıesi kásibı kadrlardy daıarlaýdyń eń tıimdi nysandarynyń biri bolyp tabylady, ol bilim alýshylardyń kásiptik bilim berýge kásiporyndardyń tikeleı qatysýyn kózdeıdi. Bul rette QR Prezıdentiniń Arhıvi QazUÝ-dyń arhıv isi jáne qujattaný mamandaryn daıarlaý isinde bas seriktesi bolyp tabylady.

Arhıv bazasynda «Muraǵattaný, qujattaný jáne qujattamalyq qamtamasyz etý», «Tarıh» mamandyqtary boıynsha stýdentter úshin praktıkalyq sabaqtar ótkizý, stýdentterge óz bilimin tekserýge jáne praktıkalyq daǵdylardy alýǵa ǵana emes, sonymen qatar kásibı ortamen tanysýǵa múmkindik beredi. Arhıvtiń QazUÝ-men yntymaqtastyǵynyń mańyzdy quramdas bóligi birlesken ǵylymı-zertteý jumysy bolyp tabylady. QR Prezıdentiniń arhıvi jyl saıyn muraǵattanýdyń ártúrli máseleleri boıynsha ǵylymı-praktıkalyq konferensıalar ótkizedi, oǵan QazUÝ oqytýshylary, stýdentteri men magıstranttary belsendi qatysady.

Jyl saıyn stýdentter óndiristik prosesterge tolyq kirisýi úshin stýdenttik praktıkany uıymdastyrý úderisi jetildirilýde: áleýmettik-quqyqtyq suranystar úshin qajetti aqparatty izdeýden bastap arhıv qujattaryn sıfrlaýǵa deıin.

2016 jyldan bastap QR Prezıdentiniń Arhıvi ál-Farabı atyndaǵy QazUÝ-men birge «Muraǵattaný, qujattaný jáne qujattamalyq qamtamasyz etý» mamandyǵy boıynsha oqıtyn stýdentter arasynda Olımpıada ótkiziledi. 2017 jyldan bastap QazUÝ jáne Reseı memlekettik gýmanıtarlyq ýnıversıtetimen birlesip TMD elderiniń jas arhıvshilerniń jazǵy mektebi ótkiziledi. Joba jas mamandar arasynda óte tanymal boldy. Qazaqstan, Belarýs, Qyrǵyzstan, Reseı jáne Ózbekstan arhıv mekemeleriniń 300-den astam jas qyzmetkerleri 2017, 2018 jáne 2019 jj. jazǵy mekteptiń tyńdaýshylary boldy. Dáriskerler bolyp Polsha, Qazaqstan, Reseı jáne AQSH-tan  belgili arhıvshiler shaqyryldy.

Jazǵy mektep tek jańa bilim alýǵa ǵana emes, sonymen qatar Qazaqstannyń basqa aımaqtaryndaǵy jáne shetelderdegi áriptesterimen tanysýǵa, tájirıbe almasýǵa, ortaq máselelerdi talqylaýǵa múmkindik beredi.

2019 jyly  QR Prezıdentiniń Arhıvinde QazUÝ-dyń muraǵat isi jáne qujattaný boıynsha óndiristik kafedrasy ashyldy.

2020 jyldyń 27 qańtarynda QR Prezıdentiniń Arhıvinde álemniń ekinshi ustazy atanǵan ál-Farabıdiń 1150 jyldyq mereıtoıyna arnalǵan, ál-Farabı atyndaǵy Qazaq Ulttyq Ýnıversıtetiniń 50-shi halyqaralyq ǵylymı-ádistemelik konferensıasy aıasynda «Túlektiń zamanaýı modeli» atty dóńgelek ústel ótti.

Bolashaq kadrlardyń biliminiń jan-jaqty bolýymen erekshelenetin ýaqyt talabyna saı oqytý baǵytynda birlesken yntymaqtastyq pen áleýmettik mańyzdy jumysty damytý-bul seriktestiktiń negizgi maqsaty.

---