InfoHub Logo

Elimizdiń tuńǵysh ýnıversıteti Ál-Farabı atyndaǵy bilim ordasynyń qurylǵanyna bıyl 83 jyl tolyp otyr. Osy kezeńde QazUÝ Qazaqstan ekonomıkasynyń, mádenıetiniń, ǵylymy men bilim salasynyń qalyptasýy men damýyna úlken úles qosyp, Otanymyzdyń barlyq joǵary mektep júıesiniń tiregine, barlyq ortaazıalyq aımaq boıynsha kadrlardyń iri kásibı bilim berý ortalyǵyna aınaldy. Joǵary bilim sapasy, halyqaralyq tanymaldylyq, ǵylymı jáne zertteý qyzmetteriniń, ınovasıanyń belsendiligi, myqty oqytýshy-professorlar quramy jáne talantty túlekter – búginde, QazUÝ-dyń maqtanyshy bolyp tabylady.

Eýropalyq odaq joǵary rangy sarapshylarynyń baǵalaýynsha, QazUÝ ǵylymı-tehnıkalyq jáne ınovasıalyq áleýeti Qazaqstannyń joǵary oqý oryndary arasynda teńdesiz kóshbasshy delinedi. Búginde QazUÝ álemniń tehnologıalyq damyǵan úzdik 50 bilim ordasynyń ishinde 31-oryndy ıelendi. Sonyń negizinde QazUÝ qalashyǵynyń aımaǵynda QazUÝ tehnologıalyq parki 1994 jyldan bastap qyzmetin atqaryp keledi. Jańa ınovasıalar men múmkinshilikter mekeni bolyp tabylatyn bul parktiń maqsaty – jańa ıdeıalardy júzege asyrýǵa qolaıly sharttar qurý, ýnıversıtettiń zıaly jáne jas zertteýshileriniń ǵylymı-zertteýleri jáne tájirıbe-konstrýktorlyq jumystarynyń nátıjeleri negizde belsendi túrde ǵylymdy qajet etetin óndiris salasyn damytý bolyp tabylady. "ǴTP" basty mindetteriniń biri - bul ınovasıalyq kásipkerlikti ornatý men damytý úshin, yqtımal iskerlik seriktes izdenisinde, ınvestorlardy ınovasıalyq ǵylymı-tehnıkalyq jobany júzege asyrý jáne sapalyq konsaltıń qyzmetin usyný. Endeshe, QazUÝ tehnologıalyq parkinde ındýstrıalyq-ınnovasıalyq qyzmetten bólek, oqytý semınarlary, trenıńter, kýrstar men konsýltasıalar uıymdastyrylady. Atap aıtsaq, stýdentterge óte tómen baǵada aǵylshyn, túrik, orys tilderiniń kýrstary bar. Jańa múmkinshilikterge jol ashatyn tehnoparktiń tehnologıalar transfertinde járdem kórsetiledi. Negizgi qyzmeti ındýstrıalyq-ınnovasıalyq jobalardy iske asyrý bolyp tabylatyn QazUÝ tehnoparki zańdy tulǵalardy qurýda aıtarlyqtaı mańyzǵa ıe. QazUÝ tehnoparki árbir stýdentimen, ár jobaǵa úlken aksent qoıa otyryp jumys jasaıdy. Olarǵa qajetti jaǵdaı jasap, barynsha bıznes-jobalardyń is júzinde  júzege asýyna mán beredi. Tehnopark zertteý aıasynda birneshe jobalar júzege asyrylady. Sonyń biri 2013-2015 jyldar arasynda QazUÝ rektory G.M.Mýtanovtyń «Nanospýtnık úlgisiniń ǵylymı tájirıbesi men baǵdarlamalyq tehnıkalyq keshen jasap shyǵarý» ǵylymı-zertteý eńbegi, Temırbaev A.A. «Symdy jáne symsyz baılanys jelilerin sınhrondaý», Dergýnov S.A. «Keýek polımerli nanokapsýlalardyń negizinde jasalǵan turaqty kópfýnksıonaldy baǵdarlama» sıaqty iri ǵylymı jobalar ınovasıalyq jańa oılardy alyp keldi. Inovasıalar negizindegi ındýs­trıalandyrý bizdiń qoǵamymyzdyń jańa, qundy ózegine aınalyp kele jatyr. Elbasy N. Á. Nazarbaev: «Tabysty ýnıversıtetter degenimiz, birinshi kezekte avtonomdyq mártebesi, akademıalyq erkindigi bar jáne ǵy­ly­mı-zertteý qyzmetine baǵdar ustanǵan JOO-lar» dep bir sózinde aıtyp ótken edi. Sonyń negizinde búgingi tańda QazUÝ tehnoparki ǵylymı qyzmetkerler men JOO-nyń ǵalymdarymen oryndalatyn ınovasıalyq ónimderdi engizý, ǴZJ jáne NIOKR oryndaýda qyzmetkerler men ýnıversıtet oqytýshylarynyń qatysýymen búdjettik, sharýashylyq kelisim qural-jabdyqtar, ár túrli ınovasıalyq qorlardyń qural-jabdyqtaryn tartý, ınovasıalyq salada shaǵyn kásipkerliktiń tanymaldyǵy, sonymen qatar Tehnoparktiń jetistikteri men múmkindikterin buqaralyq aqparat quraldary arqyly baıandaý, ýnıversıtet júzege asyratyn oqý prosesin qamtamasyz etýge bilim aımaǵyndaǵy álemdik standartta jaýap beretin deńgeıde alyp shyǵýǵa múmkindik berýine qatysý boıynsha sharalar júrgizip otyr.

 

         ál-Farabı atyndaǵy Qazaq Ulttyq Ýnıversıteti

Ekonomıka jáne bıznes joǵary mektebi

«Menejment jáne marketıń» kafedrasy

2 kýrs magıstranty Isakova Malıka

---