InfoHub Logo

2017 jyldyń 10 sáýirinen Astana qalasynda memlekettik balabaqshalarǵa joldamalar www.astana.kz portaly arqyly elektrondyq túrde beriletin bolady, dep habarlaıdy Astana ákimdiginiń baspasóz qyzmeti.

Bul baǵytta qyzmetti alýshylarǵa 2017 jyldyń 1 sáýirine deıin mynadaı sharttardy oryndaý kerek:

1) elektrondyq-sandyq qoltańbany alý (ol úshin HQKO «Azamattarǵa arnalǵan úkimet» KAQ júginý qajet);

2) ótinim berýshiniń elektrondyq-sandyq qoltańbasy (jeke kabınetke kirý) arqyly www.astana.kz júıesinde tirkelý;

3) ótinim berýshiniń jeke kabınetinde baılanys málimetterin kórsetý nemese ózgertý (elektrondyq poshta, uıaly telefon nómiri, jaqyn jerdegi balabaqshany anyqtaý úshin turǵylyqty mekenjaı) qajet. Baılanys málimetteri Sizdiń kezegińiz kelgeni jaıly habardar etý (habarlama, eskertý hat) úshin kerek.

Joldamalar kezekke sáıkes qoldanystaǵy balabaqshalardaǵy bos oryndarǵa beriledi.

Jalpy Astana qalasy boıynsha 8412 bos oryn bólinedi.

Siz tolyqqandy nusqamamen e.astana.kz júıesinde http://ises.astana.kz/DayCareQueueService/Instruction siltemesimen ótý arqyly tanysa alasyz.

---