InfoHub Logo

Qazaq-jetimiń tastamaǵan halyq, Abaı Qunanbaıuly jut kezinde óz aýylynan ózge aýyldyń adamdaryna jer berdi, nanyń bólip jedi. Al qazir she? Aýyryp jatqan búldirshinderge, anadaı, ákedeı jasty adamdarǵa sbor ashyp, qaıyrshynyń keıpin tanytýymyz qajet pe? Sonda, adamnyń dárige, sheteldegi emge, ota jasatýǵa qarajaty jetpese aram ólýi qajet pe? Nege aýrý órshimeı turǵanda onyń aldyn almadyq? Onkologıalyq aýrýǵa dýshar bolǵan naýqastar sany kúrt kóbeıip ketken soń ǵana qozǵalyp jatyrmyz. Elimizdegi medısınanyń damýy jaıly aıtamyz, alaıda aýrýdyń aldyn ala almaı jatqanda qaıdaǵy damý?

Baıqaısyzdar ma, biz istep jatqan istiń bárin ózgeler úshin isteımiz. Mysaly, onkologıalyq aýrýǵa shaldyqqandar sany kún sanap ósip keledi, al biz qol qýsyryp qarap otyrmyz, naýqastar bolsa, basqa amaly bolmaǵan soń shetel medısınasyna mıllıardtaǵan aqsha jiberip jatyr. Ekonomıkany kóterý kerek deımiz, alaıda aıtylǵan sóz, sol sóz kúıinde qalyp ketti.

Áleýmettik jaǵdaıdyń nasharlaýynyń basty sebebi-qymbatshylyq. Dári jetpeıdi, oǵan qosa ol qymbattaýda. Kvotaǵa kezekke turý qajet, ony kútýge ǵumyry jetetin adamdar bar ma? Qymbatshylyq órship kelýde, zeınetaqy, jalaqy mólsheri kóterilgenimen, kúndelikti jeıtin taǵamdardyń baǵasy eki, úsh esege kóbeıdi. Sonda jalaqy men zeınetaqy baǵasyn kóterýdiń ne máni bar? Ádildik bar ma? “Jańa Qazaqstan” shyńaıy ma? Elde halyq bolmasa, ol eshqashan memleket bolmaıdy. Sondyqtan halyqty ózderine tıesili birinshi baılyq densaýlyqtan aıyrmaıyq!

---