InfoHub Logo

Almaty oblysy, Sarqan qalasy
№1mektep-gımnazıasynyń
3 synyp oqýshysy
Toıboldy Jansaıa
Jetekshisi: Ahmetjanova Nýrgýl Orazgalıevna

                                         

Tabıǵattyń árbir maýsymy erekshe bolatyny sózsiz. Ár maýsymnyń ózine tán qyzyǵy men seıil-serýeni bar. Sonyń ishinde qys mezgili de ózindik kirshiksiz appaq qarymen, qaharly minezimen, syqyrlaǵan aıazymen erekshe. Bul mezgilde adamdar tabıǵattyń qupıasyn, erekshe bir umytylmas sátterin tamashalaıdy. Qara jerdiń betin basqan aqquba arý sıaqty úlpildegen aq ulpa qar aınalaǵa sán bergendeı. Árkim bul mezgildi asyǵa kútetini ras. Biri shanalaryn arqalap, bıik jotalarǵa, taýly qyrattarǵa bet túzeıdi. Dala tósinde qoldan syrǵanaq jasaıtyn qyzyqty kezderde óz aldyna bir bólek áńgime. Qoldaryna shana súıregen balalar, júzderi kúlkige toly adamdar barlyǵy beıne bir qystyń sýyǵyn emes, onyń jyly nuryn, ystyq tartar sáýlesin taýyp alǵandaı qýanady. Dalanyń tabıǵaty typ-tynysh qalpynan, maýjyraǵan kúıinen serpile túskendeı kúıde. Alataýdyń silemderi men bıik jotalaryndaǵy qys kórinisteri kózdiń jaýyn alady. Basynda qashanda qar jatatyn qart Alataý arý Almatynyń kórkine kórik qosyp turǵandaı kórinedi. Aqyndar jyrǵa qosqan, ánshiler ánge qosqan Alataý qys mezgilinde erekshe sulý ǵoı, shirkin! Qys mezgilin taǵy da asyǵa kútýimizdiń bir sebebi - Jańa jyl. Sirá, bul meıramdy eńbektegen baladan, eńkeıgen qartqa deıin kútetini aıdan anyq. Búldirshinder appaq qardan aqqala jasap, shyrsha bezendirip, aıaz ata men aqsha qardy kórýge asyǵady. Barlyǵy aq tilekterin bildirip, syılyqtaryn beredi. Qylyshyn súıretip jetken qaharly qystyń bizge berer qyzyǵy men qýanyshy kóp. Osyndaı esten ketpes oqıǵalarǵa toly qys mezgilin keremet deýge tolyq negiz bar. Qystyń ǵajaıyp umytylmas shaqtary adam janyna shýaǵyn shashyp, nuryn tóge túskendeı, kóterińki kóńil-kúı syılaıdy. Maǵan qys mezgili qatty unaıdy.

---