InfoHub Logo

Ápkemniń toıyna

Qýanamyn nege búgin sonshalyq
Shattanǵannan kelip jetti bir shabyt
Qıasyna ushqaly otyr tátemiz
Kóńilde bir qımastyq bar qaıtemiz
 
Qadamyńyz búgingi qutty bolsyn
Qydyr daryp otaýǵa baqyt qonsyn
Kótergen jezdemizben shańyraqtyń
İshine qýanysh pen kúlki tolsyn
 
Uldardy násip etsin aqyldy udaı
Qyzdardy násip etsin kún men aıdaı
Otaýdyń berik qylyp bosaǵasyn
Bizderge bolyńyzdar jaqqan shamdaı
 
Kóktemniń kúlimdegen kúnindeısiz
Dúnıeniń eń shyraıly gúlindeısiz
Papasy men mamasynyń asyl qyzy
Árqashan jezdemizben bir júrgeısiz!
 
Ómirde eń baqytty jan bolyńyz!
Mándi de dańǵyl bolsyn bul jolyńyz!
Máńgilik bir-birińe ǵashyq bolyp
Kóńili týystardyń júrsin tolyp!

*** *** *** ***

Apa-qaryndastyń uzatylýyna kishi baýyrlarynyń tilegi

Ǵumyryńyzdyń jarqyn shaqtary men baqytty sátteri mol bolǵaı. Ómir Sizdi tek jaqsylyqtar men qýanyshtarǵa jetelesin. Ibaly kelin atanyp, sol aýyldyń altyn bosaǵasynda aman-esen júre berińiz.

*** *** *** ***

«Baqyt degen dosyńnyń — qabaǵynda, jaryńnyń — janarynda» deıdi. Osyndaı ómirlik dos bolyp ótińizder.

*** *** *** ***

Bolashaqtyń aq tańdaryn baqytpen qarsy alyp, barlyq izgi armandaryń oryndala bersin. Ómir jolynda serikteriń sáttilik, joldastaryń jaqsylyq bolsyn.

*** *** *** ***

Júzderińizden shattyq pen kúlki úıirilip, kól betine órnek salǵan aqqýdaı baqyt besiginde qýanyshty serik etip, terbele berińizder!

*** *** *** ***

Qazaq qyzyn qashanda qadir tutqan. Qasıetke balaǵan. Tórin usynǵan. Sebebi, qyz — óris. Qyz — kıe. Qyz — ultynyń uıaty. Qyz — halqynyń shyraıy. Qyz — ómirdiń bastaýy. Qyz — tirshiliktiń tiregi.

Bul qasıetter qyz ǵumyrdyń peshenesine áýel bastan-aq buljymastaı etip jazylǵandaı. Al sol aq úrpek balapanyn aıaly alaqanynan ushyrarda qaı ata-ananyń bolmasyn kóńili toqyp, jan tebirenisine túseri haq. Sosyn ózegin jaryp shyqqan balapanyna: «Qutty ornyńa qonyp, baǵyń ashylsyn!» dep Jaratqannan tilek tileýmen bolady.

Mine, búgin qyzymyz ata-ana uıasynan ushyp, júreginiń qalaýymen ómirlik serigi ......(aty) qol ustasyp, qyzyǵy men qıyndyǵy qatar úlken ómir jolyna attandy. Sóıtip ata-anasynyń órisin keńeıtti.

Otbasyn qurý – úlken abyroıly is. Abyroıly iske bıik rýh kerek. Barǵan jerińde baǵyń ashylsyn, shańyraǵyń bıik, bosaǵań berik bolǵaı! Ekeýiń qazaqtyń úlgi tutar otbasyna aınalyńdar!

*** *** *** ***

Uzatylǵan qyzǵa tilek

Tileýiń tilep turdy appaq,
Qımaıdy ishteı ata – ana.
Qyz ediń ósken bulǵaqtap.
Attaısyń bógde bosaǵa.
 
Álpeshtep basqan baýyrǵa,
Kem kórmeı uldan shalqytyp.
Ata – ana qalyp aýylda,
Asyqtyń tur dep jar kútip.
 
Anańnyń jolyn jalǵadyń,
Jat jurtqa ketip barasyń.
Súıýdiń tatyp bal dámin,
Jaryńmen tapqyn jarasym.
 
Baqyt bol barǵan jerińe,
Júzine kirbiń jýymaı.
Bereke qonsyn tórińe,
Demesin jaman qylyǵy-aı.
 
Qylyǵyń túzde – erjettiń,
Ie bol aqyl – tizginge.
Gúli bol  barǵan áýlettiń,
Tastaı bat, sýdaı sińgen de.
 
Tirshilik degen maıdan bul,
Ómirdiń áli syny alda.
Jaryńmen birge jaınaǵyn
Uqsaǵyn asqaq shynarǵa!

*** *** *** ***

Ananyń qyz uzatý toıyndaǵy aq tilegi

Keshe ǵana júrgendeısiń balapandaı búldirshin,
Bilim alyp, boı jetip, oı túzediń.
Qanatyń qatyp, ushyp kettiń uıańnan,
Qımastyqtan aýyrdy meniń júregim.
«Qyz - órisiń», «jat jurttyq» degen sóz bar,
Teńińdi taptyń júrekten shyqqan tilek bar.
Aqyldy bol, erkelikti qoıarsyń,
Bir otaýdyń kelini sen bolarsyń.
Eneńdi - anam, atańdy - ákem dep oıla,
Barǵan jeriń - óz jurtyńdaı sen syıla.
Sonda ǵana jaǵarsyń sen elińe,
Kir keltirme ózińniń týǵan jerińe
Qudaı qosqan qosaǵyńmen qosa aǵar,
Keshirimdi, kishipeıil bolyńdar.
Analyq júrekten shyqqan aq tilegim,
«Qabyl bolsyn» dep Alladan tiledim.
Bir Alla til-kózden ózi saqtasyn,
Joldaryń aq, túzý bolyp bastalsyn.
Eki jasqa arnalǵan osy aq tilek,
Perishteniń qulaǵyna shalynsyn.

---