InfoHub Logo

Adam balasyn kemeldikke keneltip, órkenıetke jeteleıtin – bilim men ǵylym joly. Álemniń ǵulama oıshyly, shyǵystyń ekinshi ustazy Ábý Nasyr ál-Farabı: “Ǵylym júıeli túrde qurylǵan bilimniń joǵary formasy”, - degen edi. Bilim men ǵylymnyń damýynda aqparat erekshe oryn alady. Elimiz zaman ózgerisinen qalmaı, basqa alpaýytty eldermen terezesin teń ustaýǵa tyrysqan. Kóz ilespes jyldamdyqpen ózgerip jatqan zamanda, ulttyq qundylyqtarymyzdy saqtap qalý, ony násıhattaý aldymyzda turǵan úlken mindetterdiń biri.Elimizde kóshbasshy joǵary oqý oryndarynda zaman talabyna saı aqparattyq tehnologıalardy ıgerýgeqabiletti mamandardaıarlanady. Al basekege qabiletti jastardy daıyndaýǵa Ál-Farabı atyndaǵy QazUÝ úlken úles qosýda. Búginde kóptegen halyqaralyq ýnıversıtettermen seriktes, elimizdegi joǵary oqý oryndary arasynda aldyńǵy qatarly, kóshbasshy orynǵa ıe. Ýnıversıtet bilim alýshynyń jan-jaqty damýyna, sapaly bilim alýyna qajetti jaǵdaı jasaý úshin bar kúsh-jigerin salyp, stýdenttik ózin-ózi basqarýǵa, kóshbasshylyq qasıetterdi damytýǵa, tárbıeleýge jol ashady.

Qazaqstan Respýblıkasynyń «Sıfrlyq Qazaqstan» baǵdarlamasyna negizdelip, qazirgi zamanǵa saı mamandardy daıyndaý maqsatynda 2018 jyldyń 15 qańtarynan bastap Ál-Farabı atyndaǵy Qazaq Ulttyq Ýnıversıtetinde jeke fakúltet retinde aqparattyq tehnologıalar fakúlteti ashylyp, jańa bastamamen jas túlekter bilimi qolǵa alyndy. Bul Qazaqstandy sıfrlandyrýǵa, aqparattyq tehnologıa salasynda oqıtyn jáne jasandy ıntellektpen, sonymen qatar «úlken málimettermen» jumys isteı alatyn jastardy kóbeıtýge arnalǵan. Qazirgi ýaqytta, fakúltet       Ýrmashev B.A. basshylyǵymen salaýatty urpaq tárbıeleýde belsendi qyzmet etedi. Fakúltet quramynda «Jasandy ıntellekt jáne BigData», «Informatıka» jáne «Aqparattyq júıeler» kafedralary jumys atqaryp jatyr.

«Informatıka» kafedrasy jeke kafedra retinde 2001 jyldyń qarasha aıynda uıymdastyryldy. Kafedranyń birinshi meńgerýshisi – fızıka-matematıka ǵylymdarynyń doktory, profesor Balakaeva Gýlnar Týltaevnaboldy. Onyń basshylyǵy kezinde (2001-2006 jj.) ujym, oqý jospary jáne baǵdarlamalary quryldy, alǵash ret «Informatıka», «Esepteý tehnıkasy jáne baǵdarlamalyq qamtamasyz etý» mamandyqtaryna stýdentter qabyldandy. Alǵa qoıylǵan maqsattar men mindetterdi júzege asyrýda zor eńbek sińirip, kafedra meńgerýshisi qyzmetin ary qaraı jalǵastyrǵantehnıka ǵylymdarynyń doktory, profesor Shmygaleva Tatána Aleksandrovna(2006-2009jj.) bolǵan edi. Aqparattyq tehnologıa salasynda maman daıarlaýda jańa serpin qosyp, jańalyqtar engizýde meńgerýshi qyzmetin tehnıka ǵylymdarynyń doktory Ahmed-Zakı Darhan Jýmakanovıch(2009–2012jj.) jalǵastyrdy. Óz kezeginde bilim júıesiniń sapasyn arttyrýǵa baǵyttalǵan basqarý sheshimderin qabyldaýda Ýrmashev Baıdaýlet Amantaevıch, fızıka-matematıka ǵylymdarynyń kandıdaty, dosent (2012–2019jj.) jetekshilik etse,  2019-2021 jyldar aralyǵynda PhD, dosent Imankýlov Tımýr Sakenovıch kafedra meńgerýshisi qyzmetin úlken jaýapkershilikpen atqarǵan bolatyn. 2021 jyldyń qańtarynan bastap PhD, m.a. dosent Darıbaev Beımbet Serıkovıch kafedra meńgerýshisi retinde Qazaqstan Respýblıkasynyń Prezıdentiniń memleketimizdiń damýynyń strategıalyq jospary boıynsha joǵarǵy oqý oryndaryna qoıylatyn talapqa sáıkes damý baǵytynda jumys jasap, qyzmet atqaryp keledi. Al profesorlyq oqytýshy quramy bilimdi de bilikti, kásibı profesorlar men oqytýshylar, ǵylym kandıdattary men dosentterdi qamtıdy. Qazirgi kúni kóptegen jańa ádister engizilýimen kelesi bilim berý baǵdarlamalary qamtylǵan: Bakalavrıat (6B06103 - Kompúterlik ınjenerıa, 6B06104 – Kompúterlik ǵylymdar), Magıstratýra (7M01502 – Informatıka, 7M06103 - Kompúterlik ınjenerıa, 7M06104 - Kompúterlik ǵylymdar), Doktorantýra (8D01502 – Informatıka, 8D06102 - Kompúterlik ınjenerıa, 8D06103 - Kompúterlik ǵylymdar, 8D06105 - Júıelik ınjenerıa). Tehnologıalar qarqyndy damýyna sáıkes zamanaýı qoldanbaly jáne júıelik baǵdarlamalyq qamtamasyz etýdi qurý, veb-dızaın, elektrondyq komersıa júıelerin, derekter qoryn, jasandy ıntellekt júıelerin qurý, esepteýish lıngvısıka jáne kompúterlik grafıka máseleleri, aqparatty qorǵaý salalary boıynsha bilim beriledi.  Kafedra ǵylymı - pedagogıkalyq baǵytta tehnıka ǵylymdary men aqparattyq-kommýnıkasıalyq tehnologıalar salasynda joǵary bilim berýdi qamtıdy. Sonymen qatar, stýdentteri ýnıversıtettiń shyǵarmashylyq jáne sporttyq ómirine belsendi qatysady. Jas tapqyrlar baǵdarlamalaý saıystaryna úlken ynta tanytady jáne saıystardy jibermeı olarǵa qatysý ústinde. Sapaly bilim berý maqsatyndy zamanaýı kompúterlik tehnıkamen jabdyqtalǵan zerthanalardyń jaqsy materıaldyq-tehnıkalyq bazasymen qamtylý isi júrgizilgen.Ustazdar yntaly túrde stýdentterine baǵyt baǵdar berý ústinde.

Qazirgi tańda, biz jastar, magıstratýraǵa túsip jańa formattaǵy zamanaýı tehnıkalyq baǵyttardy ıgerip, trendtegi máselelerge zertteý jumystaryn júrgizýdemiz. Igerilip jatqan jańa tásildegi tehnologıalar jumystarymyzda qoldanysta qajetti nátıjege jetýge úlken septigin tıgizýde jáne ustazdar tarapynan da damý men tájirıbelik jaqsartýlar úzdiksiz atqarylýda.

Kafedranyń salystyrmaly túrde jas bolýyna qaramastan ýnıversıtettiń bólimderi men qyzmetterinde jumys istep júrgen kafedra qyzmetkerleri men túlekteri Ál-Farabı atyndaǵy Qazaq ulttyq ýnıversıtetiniń damýyna zor úles qosyp keledi. Sondyqtan ınformatıka kafedrasy óz túlekterine senimmen qaraıdy jáne zaman talabyna saı jańa mindetter men jańa maqsattar qoıý arqyly bolashaqqa umtylys jasaıdy!

Ál-Farabı atyndaǵy Qazaq ulttyq ýnıversıteti «Informatıka» kafedrasy  aǵa oqytýshy B.A.Maksýtova  «Kompúterlik ǵylymdar» mamandyǵy  1-kýrs magıstranttary M.T.Týrganov, S.S.Tanash, A. D. Qalıbekova

---