InfoHub Logo

Taqyryby: Qyzyl, sary, jasyl
Mindeti: Jol jáne adam qaýipsizdigin balaǵa túsindirý.
Maqsaty: Jol jáne adam ómiriniń qaýipsizdigin aldyn ala alý.
Bilimdiligi: Balalardy baǵdarsham týraly jol erejelerin mańyzdy ekenin uǵyndyrý.
UOÁ barysy: Uıymdastyrý kezeńi.
Balalarmen sálemdesý, nazaryn UOÁ - ne aýdarý.
Tárbıeshi: - Salamatsyzdar ma balalar! Salamatsyzdar ma qonaqtar! Búgingi uıymdastyrylǵan ashyq oqý is - áreketimizdiń taqyryby: «Qyzyl, sary, jasyl»
Balalar qane jyly lebizimizdi bildireıikshi.
Shattyq sheńberi.
Qýan shattan,
Qýan shattan,
Qýanatyn kún búgin.
Qaıyrly tań,
Qaıyrly kún,
Kúlip shyqty, kún búgin.
Balalar biz búgin jol erejesimen tanysamyz. Jolda júrýdiń, adamdardyń da kólikterdiń de óz tártibi bar. (Balalardyń nazaryn sýretke aýdartý)
Búgin biz baǵdarshamnyń kózderimen, olardyń tústerimen jáne pishinderimen tanysamyz.
Tárbıeshi: Balalar búgingi keshimizdiń eń basty qonaǵy baǵdarshamdy ortaǵa shaqyramyz. Balalar kóshede júrý tártibin baǵdarsham basqarady. Baǵdarsham ómirimizdi qaýipten saqtandyratyn kómekshimiz, onyń syryn bilip, tilin alý barshamyzǵa ortaq. Olaı bolsa balalar bizge «Baǵdarsham» qonaqqa kelipti.
Baǵdarsham: Sálemetsińder me balalar! Meni barlyq elderdiń balalary jaqsy biledi. Búgin senderge arnaıy qonaqqa keldim.
Tárbıeshi: Qosh keldiń Baǵdarsham! Búgingi aıtar áńgimemiz saǵan qatysty bolmaq. Sondyqtan da bizben birge bol.
Baǵdarsham:
Kúndiz túni janamyn
Dabyl berip bárine.
Úsh túrli túsim bar
Belgili jaspen kárige
Men baǵdarsham bolamyn.
Tárbıeshi: Baǵdarsham bizdiń balalar óte aqyldy! Baǵdarsham týraly kóp taqpaq biledi. Tyńdap kórińizshi!
Kórkem:
Sapar sheksek sizben biz,
San kólikke minemiz
Troleıbýs, tramvaı
Avtobýsben júremiz
Jalǵas:
Kólik, kólik, kólik
Kólikterge minemiz
Kóshelermen, kóshelerimen
Kúnde tynbaı júremiz
Adıa:
Tártip buzsaq abaısyz
Jaǵdaı týar qolaısyz
Maı qyzmetkerlerinen
San keshirim suraımyz
Nurıslam:
Jol júrýdiń tártibin
Erejesin bilemiz
Saqtaǵanda qaterden
Saý salamat júremiz
Baǵdarsham: - Iá, rasynda da balalar óte aqyldy eken. Balalardyń tapqyrlyǵyn tekserip kóreıinshi! Balalar men senderge suraq qoıǵym kelip tur. Baǵdarshamnyń neshe kózi bar?
Balalar: - úsh kózi bar.
Baǵdarsham: - baǵdarshamnyń kózderiniń túsi qandaı?
Balalar: - qyzyl, sary, jasyl
Baǵdarsham: - Onyń tústeri neni bildiredi?
Balalardyń jaýaby.
Baǵdarsham bolyp kıingen úsh qyz taqpaqtaryn aıtyp beredi.
Qyzyl – Farıza;
Qyzyl kózi janǵanda
Qalt toqtaı qal tabanda
Sary – Aıdana:
Sary kózi janǵanda
Saq abaı bol barynsha
Jasyl – Asylaı:
Jasyl jaryq jol ashyq,
Júgire ber bel asyp
Úsheýi birge: Bas aıaqty oılap,
Bol uqypty jolda
Dıdaktıkalyq oıyn: «Baǵdarshamnyń kózerin ornalastyr»
Sergitý sáti:
1) Baǵdarshamnyń qyzyl túsin kórsetý.
Balalar oryndarynan turady.
2) Baǵdarshamnyń sary túsin kórsetý.
Balalar eki jaqqa kezek - kezek daıyndalady.
3) Baǵdarshamnyń jasyl túsin kórsetý.
Aıaqtaryn top - top basady.
Baǵdarsham: Saý bolyńdar balalar. Sender óte aqyldy ekensińder endeshe men jol tártibin qadaǵalaıyn. Sabaqqa jaqsy atsalysqandaryń úshin senderge syılyq bergim kelip tur. Jolda abaı bolyńdar. Saý bolyńdar!
Qorytyndy:
— Balalar búgingi sabaǵymyzda ne týraly óttik?
— Baǵdarsham týraly.
— Baǵdarshamnyń neshe kózi bar?
— Úsh kózi bar.
— Qandaı?
— Jaıaý júrgen kezdegi belgiler qandaı belgiler?
— Aq jolaqtar.
Jol tártibin bileıik.
Aman - esen júreıik
Tárbıeshi: Rahmet balalar búgin sender ózderiniń jol erejesin biletinderińdi kórsettińder. Qaı jerde júrseńder de jolda júrý erejesin saqtap, basqalardy da soǵan shaqyryńdar degim keledi.
Madaqtaý:
Reglament: 20 - 25 mınýt
UOÁ qoldanylǵan ádebıetter: Mektepke deıingi tárbıe men oqytý.

Atyraý oblysy, Jylyoı aýdany,
Qulsary qalasy, "Órken"bóbekjaı baqshasynyń
Tárbıeshisi Baqtıarova Qarakóz Tlesqyzy