InfoHub Logo

Bir kúni Qoja maı satyp alý úshin bazarǵa barady.

Áıeli oǵan bir kese berip:

— Myna kesege erigen maı quıǵyzyp ákel, - dep tapsyrady. Qoja maı satýshyǵa keledi. Qojekeń maıdy ydysynyń shamasynan kóbirek alady. Ol maıdy kesesine quıǵyzady. Biraq maı kesege syımaı, asyp ketedi.

Sol jerde satýshy:

— Maı keseńe syımaıdy. Qalǵanyn qaıda quıamyz? - deıdi. Qoja jalma-jan kesesin tóńkerip jiberip:

— Qalǵanyn myna jaǵyna quı! - dep, kesesiniń túbine quıǵyzyp, Qojekeń sol boıynda keseni ustap úıine keledi. Aldynan áıeli shyǵyp:

— Maıdy munsha nege az aldyń? - dep suraǵanda,

Qoja:

— Jalǵyz bul emes, myna jaǵynda da bar, - dep, keseni taǵy da tóńkerip qalady. Sonymen, keseniń túbindegi az ǵana maı da tógilip qalypty.

---