InfoHub Logo

Qazaq halqynda atam zamannan beri áıel adamǵa asa qurmetpen, mártebemen qarap, «Qyz bala - tilekshi», «Qyz balanyń orny - tór» dep qyz balany erekshe qadirlegen. Elbasymyz Nursultan Ábishuly Nazarbaevtiń ózi «Áıel - ár shańyraqtyń shamshyraǵy, ár otbasynyń nur-shýaǵy, demek, memlekettiń qut-berekesi» dep áıelder qaýymynyń adamzat qoǵamyndaǵy mán-mańyzyn óte joǵary baǵalaıdy.
⠀
Biraq is júzinde zorlyqqa, óz jubaıylarynan soqqyǵa jyǵylǵan áıelder men qyzdardyń ózderi halyq kózinde kináli, al zań júzinde qorǵaýsyz qalady. Sózdiń ádemiligi sonda, kóbine shyn ómirmen sáıkes kelmeýi. Áıel zatyna qansha óleń-jyrlar arnap, aspannan juldyz ýáde etken erler qazirgi tańda áıelderge qarsy jasaıtyn opasyzdyǵy, jazasyz qalǵan qylmysy týraly estý janyma aýyr tıedi. Qashannan beri áıel- qyzdardy názik, álsiz retinde kóretin bolǵan?! Ǵasyrlar boıyna Tomırıs, Bopaı hansha, Aıtolqyn, Aıbıke, Esenbıke, Álıa, Manshúk, Hıýaz atty batyr qyzdary erlerden qalmaı, teńbe teń jaýǵa shyqqany kópshilik esinde ókinishke oraı umytylady.
⠀
“Qurmetpen” qaraǵan qazaq halqym, elim nelikten ózderiniń qyzdaryn zań, Konstıtýsıa aıasynda qorǵap, qylmysker jazasyn artqyzbaıdy? Turmystyq zorlyq zombylyqty dekrımınalızasıalaý úkimetti bul sosıaldy máseleden aýlaq ustaý aılasy ma?
⠀
2019 jylǵy statısıka boıynsha, Qazaqstanda jylyna 400 áıel turmystyq zorlyq-zombylyq kesirinen qaza tabady. Al árbir 5,5 saǵat saıyn Qazaqstanda  bir áıel zorlaýǵa ushyraıdy.(Statısıka @femagora ınstagram paraqshasynan alyndy)

---