InfoHub Logo

Qosh bol balabaqsha!
Zalǵa balalar sharmen mýzyka áýenimen kiredi.
Barlyǵy: Jaqsylyqqa qumarmyz,
Jaqsy adam bop shyǵamyz.
Taza sábı júrekten,
Qabyldańyz myń alǵys! (sharlaryn ushyrady)

Oljas: Qurmetti qonaqtar armysyzdar,
Bárińizde esen - aman barmysyzdar.
Taýsylmaıtyn aǵytyp oı armanyń,
Al, dostarym aq jol tilep, sóz bastaǵyn.

Qaraqat: Aq tilekti aǵytyp bir tastaıyq,
Qoshtasatyn keshimizdi bastaıyq.
Júzderinen kórem shattyq araıyn,
Bolsyn solaı árbir kúniń, ár aıyń.

Ernur: Búgingi qoshtasý keshimizdi bastaı otyryp, ortaǵa bilim men tárbıe nárine sýsyndatqan ápkılerimizdi ortaǵa shaqyraıyq.
Ortaǵy eki tárbıeshi «Astapýraı» óleńiniń áýenimen án aıtady.

Gúlshat:
Sálem gúldeı jaınaǵan balǵyndarym - aı,
Baqshamyzdan tárbıe alǵandarym - aı.
Endi mine er jetip báriń birge – aı,
Dostaryńmen mektepke barǵandaryń - aı
Qaıyrmasy
Balalarym - aı, balǵyndarym - aı, (2 ret)
Kileń beske oqyńdar jarqyndarym - aı.
Aqdıdar:
Kúlersińder árqashan shattanyńdar - aı,
Barlyǵyńda bolashaqqa attanyńdar - aı.
Attanyńdar juptaryń jazylmasyn - aı,
Eshqandaıda qıyndyqtyr jolyqpasyn - aı.
Qaıyrmasy.
Balalarym - aı, balǵyndarym - aı, (2 ret)
Kileń beske oqyńdar jarqyndarym - aı.

Gúlshat:
Ótti qyzyq kóp kúnder,
Jeti jasqa jettińder.
Barasyńdar mektepke
Bir belesten óttińder.
Qymbatty ata - analar, balabaqsha qyzmetkerleri, qonaqtar! Búgin biz birneshe jyl mápelep, kútip tárbıelegen búldirshinderimizdi uıamyzdan ushyryp, mektepke shyǵaryp salǵaly otyrmyz. Olardyń ár biri balabaqshadan bilim degen irgetasyn qalap, mektepte úlgili oqýshy bolatynyna senimiz mol. Qanekeı, kishkentaı túlekterimizge taǵy da bir qoshemetpen qol soǵyp qoıaıyq.

Aqdıdar:
Ósti aqyl, oılaryń,
Ósti, mine, boılaryń.
Qýanyshqa ortaqpyz
Qutty bolsyn toılaryń!

Gúlshat: Búgingi keshimizdiń túlekterin tanystyryp ótsek.
Bıazy minezimen
Túrli róldi somdaıdy.
Kúlimdegen Janeldi
Barlyq dosy qoldaıdy.
Aqdıdar:
Sportty jany súıedi
Salaýatty ómir súredi.
Bar qoǵamdyq jumystyń,
Ortasynda júredi.
Serik toptyń júregi.
Gúlshat:
Qandaı da bolsyn ıgi is,
Onsyz sirá bitpeıdi.
Gúl jaınaǵan Nuraıdy
Jaýqazyn gúlge teńeımiz.
Aqdıdar:
Sabyrly, jaısań minezi
Adaldyqty súıedi.
Bári de bári syılaıdy
Toptas qurby Ásemdi.
Gúlshat:
Boıynda úlken namys bar,
Árqashan alǵa umtylǵan.
Segiz qyrly, bir syrly
Namysshyl jigit Beksultan.
Gúlshat:
Ortamyzdyń ajary,
Perızattaı erke qyz.
Ár qylyǵyn kóterip,
Erkelete beremiz.
Aqdıdar:
Oıy ushqyr Qundyz,
Matematıkany súıedi.
Qıyn esep bolsa da,
Lezde sheship beredi.
Gúlshat:
Aıtysker bolý armany
Ózi sondaı salmaqty.
Nurlandyrǵan ortany,
Bizdiń Qaraqat jan - jaqty.
Qosh bol balabaqsha! júkteý