InfoHub Logo

Aqtóbe oblysy,
Hromtaý aýdany, Sarysaı orta mektebi
Amanbaeva Bazargýl

Keshtiń maqsaty:
Bilim negizi, irgetasy – bastaýyshtan qalanatynyna erekshe mán berý. Bastaýysh synyptarda alǵan bilimniń adam ómiriniń mán-maǵynasy úshin asa qajettiligine kóz jetkizý, alǵan bilimderi men jetistikterin is júzinde kórsete bilý. Otansúıgishtikke baýlý, jaǵymdy minez-qulyq mádenıetine, bilimdi, sanaly urpaq bolyp ósýge jetelep, baǵyt-baǵdar berý.
Kórnekilikter: ulaǵatty sózder, aýdıo. Vıdeo tehnıka, slaıdshoý.
Alǵy sóz.
Synyp jetekshisi:
Bul oqý – tamaq bolar qarny ashqanda,
Jol tabar qarańǵyda adasqanda.
Mal azbas, bile bilseń bilim ozar,
Aqyry kerek bolar bir sasqanda – dep Mirjaqyp aqyn aıtpaqshy, tarydaı bolyp kirip, aqyl – oılary tolysyp, oń men solyn tanyp, jaqsy men jamandy aıyra bilýdi úırengen shákirtterimniń uıymdastyrýymen ótkeli otyrǵan « Qosh bol, bastaýysh mektebim» keshin bastaýǵa ruqsat etińizder.
Qosh kelipsizder, qurmetti ata-analar, qymbatty áriptester, oqýshylar! Búgingi kún – osynda otyrǵan bárimiz úshin erekshe kún. Onyń ereksheligi sol, osydan 4 jyl buryn mektep tabaldyryǵyn júreksine attaǵan balalaryńyz oqyp – bilip, qanattaryn qataıtyp bastaýysh synyppen qoshtasqaly otyr. Osy qýanyshty da, qaıtalanbas kúnderińizben shyn júrekten quttyqtaımyn!

Besiktegi balanyń,
Kúlgenin kórgen bir murat.
Aldyna túsip ananyń ,
Júregin kórgen bir murat – degendeı, muny kórý de bir baqyt dep oılaımyn. Sizderdiń aldaryńyzda turǵan 4 - synyp oqýshylary osydan tórt jyl buryn 6 jasar bala bolsa, búgin mine, es bilip, oń men solyn aıyrǵan shákirt. Bul kúnge jaıdan-jaı jete salmaǵanymyzdy eskersek, búgingi kúni sizderdiń aldaryńyzda rahattana eske alatyn sátterimizde az bolmaǵan shyǵar. Bir sát elesteter bolsaq, mektep tabaldyryǵyn attaǵan kúnnen bastap, «Álippemen qoshtasý», dástúrli naýryz toılary, analar merekesine arnalǵan án shashýlar, ashyq sabaqtar men tárbıe saǵattary balalardyń esinde uzaq saqtalary sózsiz. Birigip kitap oqý, pikirtalas uıymdastyrý, merekelik án shashýlarǵa qatysyp, óz ónerlerin shyńdaý jaqsy jolǵa qoıylǵan. Árıne, osyndaı is-sharalar bala janyna ıgi áserin tıgizbeı qoımasy anyq. Osy joldaǵy meniń ustaǵan baǵytym - tek kitabı bilim berip qana qoımaı, elimizdiń keleshek tizginin ustaı alatyn segiz qyrly, bir syrly urpaqtardy tárbıeleý boldy. Ol jaǵdaıǵa búgin tolyq jetpese de, erteń jetetinine senemin. Sondyqtan, aldymnan ushqaly otyrǵan shákirtterime: «Birinshi baılyq - densaýlyq»- demekshi, densaýlyqtaryń myqty bolsyn, aqyldy, bilimdi, el bıleıtin ul, qyz bolyńdar degim keledi. Búgingi tárbıe saǵatymyz II bólimnen
turady.
I bólim Merekelik baǵdarlama
II bólim Oqý jylyndaǵy jetistikter.

- Ata-analar! Balalaryńyzdyń bastaýysh bilim basqyshynan ortańǵy býynǵa ótkeni qutty bolsyn! Balalar bárimizge qýanysh, baqyt ákelsin!
- (Mýzyka áýenine ilesip, ul-qyzdar ortaǵa shyǵady)
Oqýshylar oryndaýynda váls .

1-júrgizýshi: Nurlybek
Qurmetti ustazdar men ata-analar,
Kez keldi sizderden aq bata alar.
Ul-qyzdaryń kórsetpekshi ónerin,
Bar qaýym tamsana tańdaı qaǵar.

Uldar: Assalaýmaǵaleıkým, aǵaıyndar!
Qyzdar: Armysyzdar, aıaýly ustazdar, aq jaýlyqty analar, ardaqty ákeler!
Barlyǵy: Qosh kelipsizder, qurmetti qonaqtar!

1-oqýshy: Dıana
Bala shaqqa bolashaqty jyrlatyp,
Shákirtterge oı túzetken symbatty.
Kún nuryndaı sáýle quıǵan kóńilge,
Armysyzdar, ustazdarym qymbatty!
2 oqýshy:
Armysyzdar, atalar men analar,
Urpaǵyńyz kúnde ózińnen bata alar.
El dástúrin máńgi syılap oqy dep,
Úıretken ǵoı Farabıdeı babalar.
3-oqýshy: Alına
Armysyń sen, altyn uıa mektebim,
Saǵan aıtar jyr alǵysym kóp meniń.
Júrekterge jaqqan bilim shyraǵyn.
Mektebime arnalady bul ánim.
2-júrgizýshi: Anar
Altyn uıa mektepten atamyz da, ájemiz de, ákemiz de, anamyz da tálim alǵan.
Kelesi kezekte shyrqalar «Anadaı asyl mektebim» ánin mektebimizge arnaımyz.
Hor. «Anadaı asyl mektebim»
4-oqýshy: Gúlzıa
Esimde alǵash ustazdyń qarsy alǵany,
Aıqara esik ashyp tastaǵany.
Bir mereke dýman bolyp osy mańda,
Jetelep bir synypqa ap barǵany.
Endi mine, saǵymdaı óte shyqty,
Tórt jyl ýaqyt az ba eken, kim bilipti.
Ustaz ana jasady myna bizden,
El tanyma azamat bir-bir myqty.
5-oqýshy:Araı
Ulylyqty ardaq tutar únemi,
Altyn uıa, aq bosaǵa kıeli.
Qanat qaqqan bilim alyp, ózińnen,
Kúlli shákirt basyn saǵan ıedi.

1-júrgizýshi: Nurlybek. Ár shákirtin óz balasynan kem kórmeı oqýǵa, jazýǵa úıretken bastaýysh synyp muǵalimderine arnap «Ustazym»áni shyrqalady. Qabyl alyńyzdar.
2 –júrgizýshi: Anar
Biz búgin kózimizdi ashyp, kókiregimizdi oıatqan, bilim nárimen sýsyndatyp, ilimniń irgetasyn qalaǵan bastaýysh synyppen qoshtasqaly otyrmyz.
1- júrgizýshi Nurlybek:
Sondaı-aq, bizdiń ystyǵymyzǵa kúıip, sýyǵymyzǵa tońa bilgen, ońymyz ben solymyzdy tanytqan, jaqsydan úırenýge, jamannan jırenýge baýlyǵyn alǵashqy ustazymyzben qoshtasqaly otyrmyz.
6-oqýshy: Álibeı
Mektep úıim, ustazdarym ata-anam,
Senen ósip senen ǵana nár alam.
Saıań ystyq, sen máýeli báıterek,
Tamyrlap san tarapqa taraǵan.
7-oqýshy: Bahtıar
Mektebim-altyn uıam órisim,
Muǵalim-bilim kólisiń.
Ózińnen talmaı úırenip,
Kelemiz ósip el úshin

1-júrgizýshi: Nurlybek
Er balalardyń oryndaýynda kelesi bı synyptaǵy ádemi qyzdarǵa arnalady.
« Qyzdar-aı »ánine er balalardyń oryndaýynda bı.
8-oqýshy: Gúlsezim
Alǵashqy ustazymyz anamyzben teń keledi,
Bar asylyn bizge jıyp mol beredi.
Qanatymen sý sebelep asyl jan,
Balasyndaı shyn júrekpen teń kórdi.
Ómirge jol bir ózińnen bastalady,
«A»árpin alǵash senen jattadym.
Ustazdary esten ketpes máńgilik,
Meıirimmen jyly shýaq shashqanyń
9-oqýshy:Dıana
Aqyryn júrip, anyq bas,
Eńbegiń ketpes dalaǵa.
Ustazdyq etken jalyqpas,
Úıretýden balaǵa –dep Abaı atamyz aıtqandaı ustazymyz bilimdilikke, ádemilikke, ádeptilikke, adaldyqqa, ádildikke jalpy kóp nársege baýlydy. Sondyqtan da ustazymyzǵa Barlyǵy:Myń alǵys!
Hor «Ustazym meniń»áni.

2-júrgizýshi: Anar. Taı qulyndaı oınaqtap birge ósken, balalyq shaqtyń qyzyqty kúnderin birge ótkizgen synyptas dostar – máńgi este qalary sózsiz.
10-oqýshy: Nurlybek
Ájetaıym tiregim,
Keýdemde soqqan júregim.
Shattansam shyǵyp qıaǵa,
Qınalsam, sen de júdediń.
Óziń dep bilem kún kóktem,
Qyzmetin de kórsetken.
Bar jylylyq boıyńda,
Uly ediń sen netken - deı kele, «Asyl áje»ánin kóńili kóldeı, nıeti teńizdeı ájelerimizge arnaımyz. Qabyl alyńyzdar.
Hor. Asyl ájem áni.
Shaǵyn kúldirgi kórinister: 45 mınýt qyzyqtary.
11-oqýshy: Gúlzıa
Aman bolshy qashanda anajanym,
Anashym ystyq maǵan alaqanyń.
Jan súısinter júrekti eljiretip,
Qyzym dep erkelete qaraǵanyń.
12 oqýshy: Rodına
Armysyzdar, ór tulǵaly ákeler,
Qyran qustaı balapanyn mápeler.
Búgin mine, bastaýyshpen qoshtasady,
Azamat bop, keshegi sábı-erkeler.

2-júrgizýshi:Anar.
Kelesi tyńdaıtyn ánderińiz, eshbir janǵa teńdesi joq analarymyzben ákelerimizge arnalady.
Hor. «Anashym-ákeshim»
1- júrgizýshi:Nurlybek
Synyptaǵy qyzdardyń oryndaýynda «Zamanaýı bıi»

II-bólim. Osy oqý jylyndaǵy oqýshy jetistikterine toqtalý.
1. Baımenova D «Jeti sanynyń qasıeti»taqyrybyndaǵy qorǵaǵan ǵylymı jobadan kórinis
2. Býhaeva G. «Sport juldyzdary:Sıdneıden mektepke deıin. »
«Eń úzdik zertteýshi» nomınasıasyn ıelengen ǵylymı jobadan kórinis.
3. Aýdandyq olımpıadada orys tili páninen I-júldeli oryn jeńip alǵan Mahanalına A
orys tilinde óleńder jatqa aıtady.
4. III aýdandyq «Bastaý»matematıkalyq olımpıadasyna qatysqan Býhaeva G
Osy baıqaýda Sarysaı orta mektebi «Eń tapqyr komanda»nomınasıasyna ıe boldy.
5. Qyzyqty matematıkaǵa saıahat. (logıkalyq esepter sheshý)
2 júrgizýshi: Anar
Osydan 4 jyl buryn mektep tabaldyryǵyn attadyq. Bastaýysh synyppen qoshtasý keshimizdi ótkizip, tolqý, qımastyq sezimimizdi bildiremiz. Búgin mine, ońymyz ben solymyzdy tanyǵan, sanaly azamat bolyp shyǵýǵa ýáde etemiz.
1-júrgizýshi: Nurlybek.
Degenmen, áli de bolsa balalyq kúnderimizdi qımaımyz.
Qorytyndylaý. /Ata-analardyń quttyqtaý sáti/