InfoHub Logo

Taqyryby: «Qosh bol, qutty álippem!»
Maqsaty: Oqýshylardyń saýat ashý pánin oqý barysynda alǵan bilimderin tıanaqtaý;
óz ónerlerin ata — analaryna kórsetý, estetıkalyq talǵamdaryn tereńdete túsý,
ózin ózi basqarýy men ana tilin súıip, qasterleýge tárbıeleý.

Kórnekiligi: taqyryp jazylǵan plakat, sharlar, áripter, «Álippe», «Ana tili», «Matematıka»,
«Dúnıetaný» oqýlyqtarynyń maketi, tapsyrmalar

Barysy:
Muǵalim: Qurmetti ata - analar, ustazdar, búgin qýanyshty kún. Mine, meniń kishkentaı balapandarym keshe ǵana qushaqtary gúlge tolyp mektep tabaldyryǵyn attap, qoldaryna súıikti de, súıkimdi Álippe kitabyn alǵan bolatyn. Sol álippemen búgingi kúni qımastyqpen qoshtasqaly otyr. Sizderdiń aldaryńyzda osy búldirshindermen búgin biz «Qosh bol, qutty álippem!» atty erteńgiligimizdi ótkizgeli otyrmyz. Balalarymyzdyń bilim shyńyna basqan alǵashqy qadamdary qutty bolsyn deı otyryp, erteńgiligimizdi bastaýǵa ruqsat etińizder!
Álippeni bitirdi balalarym,
Álippeden nár alǵan danalarym.
Ózi oqyp jazatyn hálge jetti.
Qutty bolsyn bilimi balalardyń!
Synyp oqýshylary qyzyqty da ǵalamat ózgerister syılaǵan, bilim nárimen sýsyndatqan, ómirde óz joldaryn tabýǵa jol siltegen ustazdaryna, ata - analaryna ónerlerin kórsetýge daıyn. Olaı bolsa, oqýshylar, sóz kezegi ózderińizde.

Hormen: Úlkenge de siz,
Kishige de siz.
Qonaqtardy qurmettep,
Bas ıemiz biz.

1 - júrgizýshi - Dosymjan: Assalaýmaǵaleıkým, ýa, halaıyq!
Armysyzdar, analar,
Barmysyzdar, balalar,
Sózime qulaq salyńyz,
Bir serpilip qalyńyz.
Álippege arnalmaq,
Búgingi jyr, ánimiz!

2 - júrgizýshi - Dana: Kóz salyp qarańyzshy boıymyzǵa
Ortaq bop búgingi ósken oıymyzǵa.
Hosh kelipsiz, ustazdar, ata - analar,
Álippemen qoshtasý toıymyzǵa.

1 - júrgizýshi - Dosymjan: Ótti oqý san sabaq,
Búgin úlken saltanat.
Oqýlyqpen dostaspaq,
Álippemen qoshtaspaq.
Ósti bilim, oıymyz,
Ekeýi birge: Qutty bolsyn toıymyz!