InfoHub Logo

Taqyryby: Qosh bol, súıikti Álippem!
Maqsaty:
Bilimdilik: Oqýshylardyń alǵan bilimderin bekitý, olardyń alǵan bilim, bilik, daǵdylaryn kórsetý; uqyptylyqqa, jınaqylyqqa úlkenderdi syılaýǵa, sózderin tyńdaı bilýge tárbıeleý. Oıyn arqyly uıymshyldyqqa, baýyrmaldyqqa tárbıeleý
Damytýshylyq: Mánerlep óleń, qara sózderdi aıta bilýge, úırengen bilim, bilik daǵdylaryn odan ári damytý tilin damytý, sózdik qoryn molaıtý; baılanystyra sóıleý mádenıetin damytý.
Tárbıelik: Oqýǵa, bilim alýǵa, qorshaǵan ortany aıalaýǵa, dostyq, janashyrlyq qarym - qatynas ornatýǵa tárbıeleý. Oıyn arqyly uıymshyldyqqa, baýyrmaldyqqa tárbıeleý
Kórnekiligi: Taqyryp jazylǵan banner, ádemi úrlengen sharlar, gúlder, ınteraktıvti taqta

Erteńgilik barysy:
Muǵalim:
- Qurmetti ata - analar, ustazdar, oqýshylar!
Ólsheýli ar - namysy halqymyzdyń,
Qorǵany adamdyqpen saltymyzdyń.
Armysyzdar, aıaýly ustazdarym,
Seneri sizdersizder halqymyzdyń!
Ómir berer erteńgi baǵalarym
Álippemen qoshtaspaqshy balalaryń
Halqyma urpaq bergen, ómir bergen,
Qosh keldiń, ata - áke, ájeler men analarym!

Keshe ǵana bilim baspaldaǵyna alǵash qadam basqan búldirshinder qońyr kúzde kúmis qońyraý únimen tuńǵysh ret qoldaryna ustap, betin ashqan oqýlyqtary - Álippe edi. Bul kitap ǵylym dúnıesiniń alǵashqy soqpaǵy, bilimge bastaıtyn alǵashqy joly. Osy álippe oqýlyǵy arqyly 42 áripti meńgerip, endi odan da joǵary úlken - úlken bıik shyńdarǵa kóterilmekshimiz. Olaı bolsa, erteńgi kúnniń úmitin aqtar elimizdiń bolashaq azamattaryn – 1«A»klass oqýshylaryn ortaǵa shaqyramyz. Qol soǵyp qoshemettep otyraıyq.
(Mýzyka áýenimen 4 klass oqýshylary 1 klass oqýshylaryn jetektep shyǵarady. Qoldarynda 1 - 1 shar, jalaýsha.)
Qurmetti ustazdar, ata - analar!
Kez keldi sizderden bata alar.
Ul - qyzdaryń kórsetpekshi ónerlerin
Bar qaýym tańdana tańdaı qaǵar!- deı kelip alǵashqy quttyqtaý sóz kezegin mektebimizdiń basshysy Maqsut Túrsálimulyna beremiz.
Ósti mine boılaryń,
Ósti mine oılaryń.
Qýanyshqa ortaqpyz,
Qutty bolsyn toılaryń!

Endi merekemizdi bastaýǵa ruqsat etińizder. Mereke barshańyzǵa qutty bolsyn! Sóz kezegi – búldirshinderde.
Merýert: Armysyzdar, qurmetti qonaqtar!
Tólegen: Sálemetsizder me, ata - analar, ustazdar!
Merýert: Keshegi sábı balańyz
Jarady mine qarańyz.
Ǵylym - bilim jolyna,
Endi qaıyq salamyz!
Aqerke: Elimizde jylma - jyl biz tárizdi tuńǵysh mektep tabaldyryǵyn attaýshy búldirshinder qatary artýda.
Sultanbeıbarys: Al búgingi kúni sol búldirshinderdiń barlyǵynyń, sonyń ishinde №5 jalpy orta bilim berý mektebiniń «1A»oqýshylarynyń
qýanyshynda shek joq.
Elnaz: Sebebi, biz tuńǵysh qolymyzǵa alǵan, hat tanyp, saýatymyzdy ashqan senimdi dosymyz - Álippemen qoshtaspaqpyz.