InfoHub Logo

Tárbıe saǵattary "Qosh bol, súıikti Álippem!" 1 synyp
Maqsaty:
1. Oqýshylardyń álippeden alǵan bilimderin tekserý 4 aıdyń ishinde mektep qabyrǵasynda úırengen ónerlerimen jan - jaqty bilimderin ata - analarǵa kórsetý.
2. Óz oılaryn ashyq, erkin aıtý, sóıleý mádenıetin, oılaý qabiletterin, til baılyǵyn damytý.
3. Adamgershilikke, uqyptylyqqa, bir - birin syılaýǵa, ózin - ózi durys ustaýǵa, ujymshyldyqqa, ana tilin súıip, qasterleýge tárbıeleý.
Bezendirilýi:
Taqyryp jazylǵan bılbord, mazmundy sýretter, álippe týraly taqpaqtar jazylǵan kórnekilikter, naqyl sózder, sharlar, gúlder, kespe áripter, «Álippe», «Ana tili» oqýlyǵynyń maketteri.

İ – júrgizýshi: Ýaqyt.... Ýaqyt - jarysa esken jel sekildi, bir kúnniń artynan ekinshi kúnin qalaı týyp, jatqanyn baıqamaı qalasyń.
Ýaqyt – jóńkile kóshken bult sekildi, búgingi kúniniń qalaısha ózińnen alystap bara jatqanyn ańǵarmaı qalasyń.
Ýaqyt – jarysy aqqan sý sekildi, erteńgi kúnińniń qalaı jaqyndap qalǵanyn baıqamaı qalasyń. Shynynda da 2 toqsan tez zymyrap, óte shyǵypty. Ol bireýge az, bireýge kóp kóriner. Burynǵy sátteriń kimniń esimde qalǵan eken.

Kórinis:
Kenje. Ol meniń esimde:
Esimde ustazdyń alǵashqy qarsy alǵany
Aıqara esik ashyp tastaǵany
Bir mereke dýman bop osy mańda
Jetelep bir synypqa alyp barǵany.

Erasyl: Iá, ıá esimizge endi tústi. Ol kezde biz ár úıdiń mápelegen kip – kishkentaı erke balalary edik. Tipti keıbireýimiz mektepke kirýden qorqyp, ándete jylaǵanbyz. Keıin úırene kele barlyǵymyz bir – birimizge baýyr basyp, bir otbasynyń balalaryndaı dostasyp kettik emespe. Al, búgin álippemen qoshtasqaly jatyrmyz.

İ júrgizýshi:
Armysyzdar analar!
Barmysyzdar balalar.
Sózime qulaq salyńyz
Bir serpilip qalyńyz
Álippege arnalmaq
Búgingi jyr ánimiz
Qurmetti ustazdar, oqýshylar, ata - analar! Álippemen qoshtasý erteńgiligine qosh keldińizder!

İİ júrgizýshi:
Shashý - shashý shashaıyq
Aq sandyqty ashaıyq
Bul mereke, bul toıdyń
Bastańǵysyn bastaıyq (mýzyka oınaıdy, shashý shashylady)

İ júrgizýshi:
Nurly úmitin arqalaǵan arqaǵa
Jan sáýlesin taratatyn barshaǵa
Shyn peıilmen, qurmetimizdi kórsetip
Búldirshinderdi shaqyraıyq ortaǵa (oqýshylar ortaǵa shyǵady)

İİ júrgizýshi:
Ósti mine boılaryń,
Ósti aqyl - oılaryń.
Qýanyshqa ortaqpyn,
Qutty bolsyn toılaryn!
Balalar men senderge suraq qoıýdan bastaıyn. Sender oǵan jaýap aıtyńdarshy.
İshi toly áripke,
Bilimdegi jaryq ne?
Hormen ( oqýshylar)

Bolashaqqa jol ashar -
Ol súıikti - Álippe!

İ júrgizýshi:
- Olaı bolsa, bárimizge eń qymbat Álippeni ortaǵa shaqyraıyq. (Álippe ánin oqýshylar aıtady, álippe ortaǵa shyǵady)
Álippe ortaǵa shyǵady:
- Armysyńdar jas dostar!
Armysyńdar, ata - ana!
Bolashaqqa jol bastar,
Álippeń keldi ortaǵa.
Bilim degen ǵajaptyń,
Álippesin meńgergen.
Keleshegi qazaqtyń,
Bastalady senderden.
Taýdaı bolsa talabyń,
Aıtary kóp áriptiń
Qýanyshy balanyń
Qýanyshy ananyń
Jaqsy bilim kórimdik,
Bolsyn bizge halaıyq.
Ne úıretip, ne bildik,
Qane, ortaǵa salaıyq!

İİ júrgizýshi:
Qane beri qaraıyq,
Zeıin qoıyp tyńdaıyq
Áriptermen tanysý
Taqpaqtardan bastaıyq.

Kenje: Kelgende alǵash mektepke
Bilmeýshi edik áripte
Oqımyz qazir ertekti
Úıretken ony Álippe

Mýsa Janerke: Jaqsy kitap álippe
Úıretedi áripke
Qýyrshaqpen qoshtastym
Áriptermen dostastym

Arýlan: Álippem meniń álippem
Seni qolǵa alyp men
Esigin ashtym mekteptiń
Erteńgi sáýle jaryqpen

Muratbek Janerke: Álippe degen altyn jol
Aparar seni alysqa
Jeńil emes aýyr jol
Tyrysyp baq namysqa

Bastaýysh synyp muǵalimi: Elýbaeva Lázat Alpysbaevna

Qosh bol, súıikti Álippem! júkteý