InfoHub Logo

Almatyda 25,8 mıllıard teńgeden astam qarjyǵa 176 turǵyn úıdiń qasbetin jańartý jumystary bastaldy. Bul aýqymdy joba Almaly, Bostandyq jáne Medeý aýdandaryndaǵy ǵımarattardyń syrtqy kelbetin ózgertedi. Alaıda, bul bastama qala sáýletshileri men belsendileri arasynda qyzý pikirtalas týdyrýda.

Bul týraly Infohub.kz aqparat agenttigi habarlaıdy.

Tenderler kimderge buıyrdy?

Jóndeý jumystary 20 qurylys kompanıasyna júkteldi. Tender somalary ártúrli, bul úı sanyna, jóndeý kúrdeliligine jáne qoldanylatyn materıaldarǵa baılanysty. Jalpy, bul jobaǵa jergilikti ákimdikter 25,8 mıllıard teńgeden astam qarjy bóldi. Ár aýdanǵa shamamen 8,6 mıllıard teńgeden tıesili boldy.

Eń kóp kelisimshartty kelesi kompanıalar aldy:

Budan bólek, bir tenderdi iri somaǵa alǵan kompanıalar da bar. Mysaly, «Best Solutions Construction» kompanıasy Medeý aýdanyndaǵy 15 úıdiń qasbetin jańartýǵa 2,1 mıllıard teńge alsa, «DAC City LTD» jáne «City Management Service» kompanıalary Bostandyq aýdanyndaǵy jumystarǵa shamamen 1,9 mıllıard teńgeden aldy.

Qaı kóshelerde jumys júrip jatyr?

Jóndeý jumystary qalanyń ortalyq kósheleri men dańǵyldarynda, sonyń ishinde Abaı, Nazarbaev, Dostyq, Panfılov, Sátpaev, Ál-Farabı, Qabanbaı batyr, Qurmanǵazy, Jeltoqsan jáne basqa da kóshelerdi qamtıdy. Ár aýdan boıynsha naqty mekenjaılar tizimi jasalǵan.

Almaly aýdany

Bul aýdandaǵy jumystar Tóle bı – Nazarbaev – Abaı – Baıseıitova kósheleriniń aralyǵynda júrgiziledi. Naqty mekenjaılar:

Bostandyq aýdany

Bul aýdandaǵy jumystar Abaı – Ál-Farabı – «Orbıta-2» yqsham aýdany – Nazarbaev kósheleriniń aralyǵyn qamtıdy. Naqty mekenjaılar:

Medeý aýdany

Bul aýdandaǵy jumystar Zenkov – Ál-Farabı – Nazarbaev – Dostyq kósheleriniń aralyǵynda júrgiziledi. Naqty mekenjaılar:

Jumystar qalaı júrgizilýde?

Qasbetterdi jańartý kezinde negizinen keramogranıt, travertın, granıt jáne alúmını kompozıtti panelder qoldanylady. Sondaı-aq, balkon temirleri men torlary alynyp, kondısıonerler arnaıy qoraptarmen jabylady. Keıbir úılerdiń birinshi qabaty plıtkamen qaptalyp, qalǵany travertınmen óńdeledi. Artqy qasbetter negizinen sur nemese ashyq tústermen boıalady.

Qurylysshylardyń aıtýynsha, jumystardyń kópshiligi maýsym aıynyń ortasyna deıin aıaqtalýy tıis. Alaıda, keıbir úılerde kúrdeli jóndeý qajettiligi baıqalady, biraq qazirgi jumystar negizinen sándik sıpatta.

Sáýletshiler nege alańdaıdy?

Qala sáýletshileri men belsendileri bul jobanyń tarıhı úılerdiń biregeıligin joıyp, Almatyny «bet-álpetsiz qalaǵa» aınaldyratynyn aıtyp, alańdaýshylyq bildirýde. Olardyń pikirinshe, qazirgi zamanǵy materıaldardy qoldaný arqyly eski ǵımarattardyń tarıhı jáne sáýlettik qundylyǵy joıylady. Sáýletshilerdiń aıtýynsha, bul jumystardy úılerdiń tarıhı kelbetin saqtaı otyryp, ár ǵımarattyń ózindik ereksheligin eskere otyryp júrgizý qajet.

Ákimdikter bolsa, bul jobanyń qalany kórkeıtý jáne biryńǵaı sáýlettik kelbet qalyptastyrý maqsatynda júzege asyrylyp jatqanyn, sonymen qatar turǵyndardyń ótinishteri eskerilgenin aıtady. Jobanyń aldaǵy ýaqytta da jalǵasatyny habarlandy.