InfoHub Logo

«Qosh keldiń, Jańa Jyl!»
Júrgizýshi: Balalar qarańdarshy bizder ertegi álemine kelip qalyppyz ǵoı, qarańdarshy myna jerden neni kórip tursyńdar?
Endeshe biz osy jerde Jańa jyl merekesin toılaıyq. Qurmetti ata - analar, qonaqtar, «Alma» balabaqshasynyń ujymy men kishkentaı búldirshinderimiz, sizderdi kele jatqan Jańa jyl merekesimen shyn júregimizden quttyqtaımyz! Jańa jyl ár birińizdiń otbasyńyzǵa jańa nur, jańa shýaq, tabys pen bereke, qýanysh pen mereke alyp kelsin deımiz.
Oı balalar, mynda kim júr?
Baýyrsaq: Sálemetsizderme balalar, aıaz - ata balalarǵa apara jatqan syılyqtar salynǵan qorjyndy joǵaltyp alypty, sender kórgen joqsyńdar ma? Men basqa jerlerden izdep keleıin.
Qoıan:
Men qoıanmyn qorqaqtaý,
Kishkene tilim shorqaqtaý.
Balalar, sender Baýyrsaqty kórdińder me?
Júrgizýshi: Oı, qoıan, sen baýyrsaqty izdep júrgenshe, bizben birge Jańa jyldy qarsy al. Bizdiń balalar jaqsy ónerlerin kórsetedi.
Qoıan:
Ándi súıip tyńdaımyn
Birge aıtsaq shyńdaımyn.

Júrgizýshi: Endeshe bárimiz birge án shyrqaıyq.
Hor: «Shyrsha jyry»
Júrgizýshi: Mynaý kim eken?
Qasqyr: Kim degeniń qalaı? Ol eń ádemi, eń batyl, eń myqty, eń shapshań, ol men - qasqyr.
Júrgizýshi: A...... solaı ma? Osynda qalaı kelip qaldyń?
Qasqyr: Men jaı júrmin, senderdiń merekelerińe ádeıilep keldim. Al sender baýyrsaqty kórgen joqsyńdar ma?
Júrgizýshi: Al sen ony qaıteıin dep ediń?
Qasqyr: Jaı, meniń qarnym ashty, oı aıtyp qoıdym ǵoı.
Júrgizýshi: Qasqyr, saǵan uıat emes pe? Sen nege ony qýalaısyń.
Qasqyr: Men báribir ony jeımin.
Júrgizýshi: Sen odanda bizben birge Jańa jyldy toıla. Balalar, sender qasqyrǵa taqpaqtaryńdy aıtyp berińdershi.

Aılın: Saqaly appaq kúmisteı,
Tisteri appaq kúrishteı.
Qyzyl ala shapany
Saǵyndym aıaz atany.

Aqtolqyn: Sheberin aı aıazdyń,
Áınekterdi qaǵaz ǵyp.
Áshekeılep qoıypty,
Birneshe oıý oıypty.
Sýretterdi ár úıge,
Áınekterdi árıne.
Túnde salyp beredi..

Alıhan: Júzimizge kúlki oınap
Qanattandy janymyz
Jańa jyldy biz toılap
Shattanamyz bárimiz

Dáýlet: Aq quraýǵa malynǵan
Saqaly da, murty da
Aıaz ata saǵynǵan
Sálem berdi jurtyna
 

Abdýalı: Aıaz keldi qaharly
Aınalany qar japty
Aqtan kıip orman tur
Dál atamdaı salmaqty
 

Aıý: Balalar qysta jeıtin azyǵym taýsylyp qaldy. Sender baýyrsaqty kórgen joqsyńdar ma? Sender nege ádemi bolyp kıinip alǵansyńdar?
Júrgizýshi: Oooooooı aıý, qarańyzshy bizdiń balalar áp - ádemi kıinip alǵan, sebebi olar Jańa jyl merekesin toılap jatyr. Kelińiz, tórletińiz.
Balalardyń ádemi bıimen kóńilińizdi kóterińiz.

Bı: «Jańa jyl»
Júrgizýshi: Balalar, bizdiń merekege kimder jetispeıdi. Qanekeı bárimiz birge daýyspen Aıaz ata men Aqshaqardy shaqyraıyq.
1, 2, 3 Aıaz ata, Aıaz ata, Aıaz ata!!!
Aıaz ata: Sálemetsiz be, balalarym,
Balalarym balǵynym.
Ómir gúlim, shalǵynym.
Tileıtinim jyl boıy,
Senderdiń densaýlyǵyń,

Aqshaqar:
Sálemetsizderme balalar.Báriń óte ádemi bolyp tursyńdar.Shyrshanyń shamyn jaǵyp alaıyq, qanekeı birge.....
Bári birge: «Qýant bizdi tańyrqat, Shamdaryńdy jarqyrat!»
Aıaz ata: Meni kóp kútken shyǵarsyńdar, men alys - alys joldardan kelemin. Balalar men senderge ákele jatqan syılyǵymdy joǵaltyp aldym.
Júrgizýshi: Aıaz ata, siz qam jemeńiz, bizdiń balalar bar, jınalǵan ańdar bar, sizge kómektesedi. Men ózimmen birge jańa jyldy alyp keldim.
Eski jyl: Balalar meniń sendermen qoshtasatyn ýaqytym keldi. Men sendermen ýaqytymdy ár kez qyzyqty ótkizdim. Senderge úlken rahmet. Jańa jylda úlken sáttilikter tileımin. Saý bolyńdar balalar!

Balalar: Saý bolyńyz!

Jańa jyl: Men jańa jylmyn
Men jańa nurmyn
Júrgizýshi: Balalar, Jańa jylymyz ortamyzǵa aman - esen keldi. Endeshe Jańa jylymyzǵa án oryndap bereıik.

Án: «Jańa jyl».
Mystan: Oı, qandaı ádemi, qandaı bıik shyrsha. Myna shyrshany alyp ketsem qaıtedi.
Qoıshy, joldan sharshadym, biraz tynyǵyp alaıyn.

Túlki: Maǵan jeter eshkim joq,
Men sulýmyn ormanda.
(Baýyrsaqty izdep júrgenin aıtady)
Qanekı birge talasa,
Menimen de, balalar,
Oınasyn oıyn tamasha.
Oıyn: «Shyrshany bezendir» saıysy

Oıyn úshin birneshe lenta, jyltyraq pen oıynshyqtar (oıynshy sanyna qaraı) qajet. Balalar eki kishkentaı shyrshany bezendiredi. Qaı juptyń «shyrshasy» ádemirek bolsa nemese qaısysy birinshi bitirse, sol jup jeńedi.

Mystan:Men jańa kele jatsam, myna qorjyndy taýyp aldym. Bul senderdiki emes pe?

 

Balalar:

Bul Aıaz atanyń qorjyny

Mystan:

A… endeshe sender  óleń aıtyń, bı bıleńder, taqpaqtar aıtyń sosyn alasyńdar. Biraq qorjyndy ashyp kóreıin ishinde ne bar ekenin kóreıin.

(Qorjyndy ashady, ishinen saıqymazaq shyǵady)

Saıqymazaq:
Qane bizdiń qonaqtar!
Basqaǵa moıyn burmańdar!
Bizge qaraı jaqyndap,
Qyzyq kúlki tyńdańdar!
(Amandasady ) men Jańa jyldy toılaýǵa kele jatyp, adasyp qaldym, tońyp qorjynǵa kirip jylynyp otyr edim, Mystan áje maǵan kómektesti ǵoı. Qanekeı olaı bolsa, barlyǵymyz meniń qýanyshyma bı bılep jibereıik.

Bı: Ergejeıliler
(Baýyrsaq Aıaz atanyń qorjynyn taýyp keledi.)
Aıaz ata: Balaqandar, ózderiń qandaı ónerli, aqyldy, tártipti balasyńdar! Árqashan ezýlerińnen kúlki ketpesin, ómirleriń uzaq bolsyn, bolashaqtaryń jarqyn bolsyn, densaýlyqtaryń myqty bolsyn!
Ata – analaryńmen ata - ájelerińniń qyzyǵyna ǵana óse berińder! Bizdi basqa da balalar kútip otyr, endi ketýimiz kerek. Senderge arnalǵan syılyqtardy qabyl alyńyzdar!
Júrgizýshi: Qurmetti ata – analar! Ýaqyttaryńyzdy bólip kelgenderińizge kóp - kóp raqmet! Jańa – jyl sizderge tek qýanysh, baqyt, densaýlyq alyp kelsin!

---