Photo: Bayar Bayar (https://www.pexels.com/@bayar-bayar-631990811) / Pexels
Qostanaıda kásipkerlerge 250 myń teńgege jýyq aıyppul salyndy
Qostanaı oblysynda áleýmettik mańyzy bar azyq-túlik baǵasyn baqylaý kúsheıtilip, nátıjesinde kásipkerlerge jalpy somasy 248,6 myń teńgege jýyq aıyppul salyndy. Bul týraly Infohub.kz aqparat agenttigi habarlaıdy.
Saýda jáne tutynýshylardyń quqyǵyn qorǵaý departamentiniń málimetinshe, ótken aptada júrgizilgen tekserister barysynda «ORT» JSHS jáne «Otaý Saýda» JSHS saýda oryndaryna arnaıy top jiberilgen. Tekseris kezinde mamandar kásipkerlermen túsindirý jumystaryn júrgizip, 17 kóterme jáne 24 bólshek saýda sýbektisi qamtyldy.
Baǵany negizsiz ósirýge jol berilmedi
Kásipkerlerge zań talaptaryn saqtaý, ásirese, áleýmettik mańyzy bar azyq-túlik taýarlaryna belgilengen 15%-dan aspaıtyn saýda ústemesiniń shekti mólsherin asyrmaý qajettigi eskertildi. Sonymen qatar, saýdanyń ashyqtyǵy men tutynýshylarǵa taýar men onyń quny týraly naqty aqparat berý mindetterine basa nazar aýdaryldy.
Baǵalar tómendedi
Tekseris nátıjesinde birqatar ónimderdiń baǵasy tómendedi. Atap aıtqanda, qant, irimshik, aıran, taýyq eti jáne farsh baǵasy 2,2-19%-ǵa, al kartop, qyzanaq pen alma baǵasy 19-39%-ǵa arzandady.
Departament bul baǵyttaǵy jumystardyń jalǵasatynyn atap ótti. Vedomstvonyń málimetinshe, negizgi maqsat – zańbuzýshylyqtardy anyqtaýmen qatar, baǵanyń negizsiz ósýine, ásirese, halyq tutynatyn taýarlarǵa jol bermeý.
-
Depýtat Bahytjan Bazarbek podnál vopros o vozmojnyh konflıktah ınteresov ı fınansovyh narýshenıah v sfere vysshego obrazovanıa Kazahstana.
-
Authorities in Kostanay have fined local businesses nearly 250,000 tenge for inflating prices on essential food items, leading to price reductions.
