InfoHub Logo

        (Mysal)

Kúlge aýnady qotyr taýyq,

Qatqan ábden silesi.

Dúr silkindi tyrańdap,

Basy aınaldy bul nesi?!

Birte-birte kirdi esi,

Kúlge qansha aýnady.

Bıt patshaǵar qalmady.

-Arsyldaǵan ıt anaý

Kimge tilin salmady?

Kimdi qaýip almady?

Al men bolsam...

Kisige de,

Malǵa da

Súmeń qaǵyp júrgenim,

Ynjyqtyǵym bul meniń.

-Áı, balta,

Úıdegi jaman qatynnyń,

Butarlaısyń otynyn.

Bas alatyn qan iship...

-Súıir tildi, qotyrym,

Qanǵa qumar bolmaǵyn.

Bilemin sensiz ol jaǵyn,-

 Dep ornyna qonǵan-dy.

Uıqyda maza bolmady,

Qos qanatyn qaǵyp ed,

Jańa bir ermek taýyp ed.

Oıanyp ketip bıtteri,

Apyr-jupyr talady.

Sol-aq eken qotyryń.

Tars aıryldy talaǵy.

Ký-ka-re-ký-ký,- dep

Átesh bolyp aqyrdy.

Jaman qatyn baltamen

Basyn aldy aqyry.

Bilmegen óz orynyn,

Tabady solaı qorymyn.

 

Súleımen Baıazıtov

---