InfoHub Logo

Sonaý erte zamanda qoıannyń quıryǵy uzyn bolǵan eken. Endeshe, qoıannyń quıryǵy qazir qalaısha sholaq bolyp qalǵan? Bul jóninde el aýzynda taralyp júrgen mynadaı ertek bar.

Ertede eki qoıan bir ózen boıynda asyr salyp oınap júrip, qarsy jaǵadaǵy jaıqalyp turǵan kókbeńbek shópti kórip qalady. Olar: «Ózennen ótip átteń qumardan shyqqansha jesek», — dep oılaıdy. Biraq eki qoıan sýda júze bilmeıtindikten ózennen ótýdiń eshqandaı sharasyn taba almaıdy.

Olar sóıtip turǵanda, sý baıaý tolqyp, bir úlken tasbaqa shur-shur etip sý betine shyǵa keledi. Tasbaqany kórgen qoıandar bir-birine qarap, kózderin alaqtatyp, sýdan ótýdiń bir aılasyn oılap tabady:

— Tasbaqa ájeı, osy ózendi sizdiń áýletińiz suraıdy desedi ǵoı, ras pa? — deıdi. Muny estigen tasbaqa ájeı qatty qýanyp:

— Ol ras, bul ózende meniń áýletim san jetkisiz. Eger olar ózenniń betine qaz-qatar qalqyp tura qalsa, eki qatar kópir bolady, — deıdi.

Áýletińizdiń sonshalyq kóptigine kózim jetpeıdi, qalaıda bizdiń áýletten kóp bolmas, — deıdi qoıan.

— Senderdiń áýletteriń sonshama kóp bolsa, men qalaısha kórmeımin?-deıdi tasbaqa.

— Eger bizdiń balalarymyz túgel osynda kelse, ózenniń jaǵasyna syımaı qalýy múmkin, — deıdi endi bir qoıan.

— Maqtanyp turǵan shyǵarsyńdar, — deıdi tasbaqa.

— Senbeseńiz, ózara salystyryp kóreıik, kimniń áýletiniń kóp ekenin sonda biraq bilesiz, — deıdi qoıandardyń bireýi.

— Bul ne degenińiz, olardy qaıtyp salystyrýǵa bolsyn? — deıdi tasbaqa.

— Aldymen siz áýletińizdi shaqyryp kelińiz, sý betin qalqyp, ózenniń myna shetinen ana shetine deıin sanap shyǵamyz. Sanap bolǵan soń, biz de áýletterimizdi jınap kelip, ózenniń jaǵasyna qatar turǵyzamyz, sonan siz sanap shyǵarsyz, — deıdi bir qoıan.

— Bolady, — dep tasbaqa ózenge shógip ketip, áýletterin túgel shaqyryp kelip, betine eki qatar etip, tize qoıady. Olar aıtyp-aıtbaı ózenge salynǵan eki qatar kópir bola qalady.

Eki qoıan qatar salynǵan «Tasbaqa kópirge» shyǵyp, árbireýi bir qataryn sanaǵan bolyp, qarsy jaǵaǵa ilinedi. «Qýlyǵymyzdy asyrdyq», — dep oılaǵan eki qoıan jaǵaǵa shyǵa berip:

— Bizde qaıdan onshalyq kóp áýlet bolsyn, maqsatqa jettik áıteý, — deıdi. Biraq bul kezde eki qoıan sekirip jaǵaǵa shyqqanymen, olardyń shubatylǵan uzyn quıryqtary sýdan áli shyǵyp bolmaǵan edi. Qoıandardyń álgi sózin estip qalǵan tasbaqalar eki qoıannyń quıryǵynan ala túsedi. Sasqalaqtaǵan eki qoıan julqı tartqanda quıryqtary túbinen úzilip, sholaq bolyp qalady.

Keıin bul eki qoıan kóp áýletti bolady. Biraq kójekteri men nemere-shóbereleriniń barlyǵy sholaq quıryq bolyp týylady.

---