InfoHub Logo

Burynǵy zamanda úsh aǵaıyndy kisi bar eken. Olardyń ortasynda jalǵyz ógizi bar eken. Bir kúni ógizi buny-qany bolyp, tógisipti.

Bul ógiz sýsaǵan eken dep, úsheýi ógizdi jetekteıdi. Bireýi jetelep aldyn, bireýi ústine minip aldy, bireýi artynan aıdap aldy. Sóıtip, ertemen kele jatsa, aldynan bir kisi jolyqty. Baıaǵy úsheýi jolyqqan kisiden suraıdy:

— Kól, sý alys pa? — dep. Sonan soń álgi kisi aıtty:

— Erterek bar, jetkenshe kól sýalyp qalady, — dedi. Anda basyn jetelegen kisi aıtty:

— Aldaǵymyzǵa baryp aıtyńyz, ógizdi jyldam aıdasyn, — dedi.

Sonan soń álgi kisi júrip, túste ógizdiń belindegige keldi. Ol aıtty:

— Ógizdi jyldam aıdasyn dep aıtady aldaǵy kisi, — dedi. Sonan soń baıaǵy aıtqan kisi kún batqanda ógizdiń quıryǵyndaǵy kisige keldi. Sonan soń ógizdi jyldam aıdap, kólge kelip, bir kóldi bútin iship, bir kóldi iship jatqanda, sol kólden balyq shyǵyp, ógizdi soryp ketti. Sol ógizdi sorǵan balyqty bir búrkit kelip, alyp ketti. Búrkit qaıda qonaryn bilmeı, bir eshki qaıtarǵan shaldyń tekesiniń múıizine baryp qondy. Sol eshki qaıtarǵan shal qorqyp, tekeniń saqalyna jabysady. Sonan soń búrkit ógizdi jep bitirgende, ógizdiń bir dálini tumsyǵyna ilinbeı, túsip ketti. Túsip ketkende, jerge túspeı, shaldyń kózine túsedi. Shal úıine barady.

— Kózime shóp tústi, — dep. Sonan soń shaldyń kózine úsh azamat kirip, shaldyń kózindegi dálini súıretip shyǵady.

Sonan soń bir top kerýen kelip, qarańǵyda dáliniń ústine qonady. Sol qonǵan kerýen júz kisi eken, ol ertemen turyp, sháı iship jatsa, otyrǵan jeri qımyldaıdy. Shal shaıqalyp, eki jaqty qarasa, sol dalanyń bir basynda et qalǵan eken deıdi. Sony túlki jep jatyr eken. Júz kisi baıaǵy túlkini qýyp, ustap alady. Bir jaq qaptalyn soıyp alyp, shek-arqasy tebeteı bolady. Bir jaq qaptalyn oraı almaı, ketip bara jatsa, bir kempir kele jatyr eken. Sony kempirge aıtypty bolǵan oqıǵany. Sonan soń kempir kelip, bir qolymen ala saldyryp, soıyp alyp, úıine alyp baryp, besiktegi balasyna tebeteı shyqpaı, bir kishkene malaqaı shyǵady eken. Sonda suraǵany: ógiz shoń ba, bala shoń ba, túlki shoń ba, búrkit shoń ba? — dedi.

---