QTJ-ny ýaqytsha basqarý Danıal Ahmetovtiń kúıeý balasyna júkteldi
«Qazaqstan temir joly» ulttyq kompanıasynda basshylyq aýysty. Buǵan deıin basqarma tóraǵasy bolǵan Nurlan Saýranbaev kólik mınıstri qyzmetine taǵaıyndalýyna baılanysty óz ornyn bosatty. Onyń ornyna ýaqytsha Erlan Qoıshybaev taǵaıyndaldy.
«İshki normatıvtik aktilerge sáıkes, QTJ basqarma tóraǵasynyń logıstıka jónindegi orynbasary Erlan Qoıshybaev kompanıa basshysynyń mindetin ýaqytsha atqarady», – delingen kompanıanyń resmı jaýabynda.
Erlan Qoıshybaev – burynǵy Shyǵys Qazaqstan oblysynyń ákimi Danıal Ahmetovtiń kúıeý balasy. Ol Ahmetovtiń qyzy Adelıa Ahmetovamen otbasyn qurǵan. Danıal Ahmetov SHQO-ny 2014 jyldan 2023 jyldyń jazyna deıin basqarǵan. Onyń aty memlekettik qyzmettegi uzaq mansabymen ǵana emes, yqpaldy týystyq baılanystarymen de jıi atalady.
Qoıshybaevtyń ýaqytsha basshylyqqa kelýi qoǵamda ártúrli pikir týdyryp otyr. Bir tarap kásibı kadr retinde qarasa, endi biri bul taǵaıyndaýdy týystyq yqpalmen baılanystyrady.
Nurlan Saýranbaev 2024 jyldyń sońynda QTJ basshysy bolyp taǵaıyndalǵan edi. Alaıda kóp uzamaı, 2025 jyldyń maýsymynda Prezıdent jarlyǵymen kólik mınıstri qyzmetine ótti. Osylaısha, eldiń temirjol salasyndaǵy basty operator ýaqytsha jańa basshylyqqa kóshti.
Jańa basshynyń turaqty túrde bekitiletini ne basqa kandıdat usynylatyny aldaǵy ýaqytta belgili bolady.
You Might Also Like
-
Iran men Izraıl arasyndaǵy 12 kúndik soǵys 638 adamnyń ómirin qıdy– dep habarlaıdy Infohab.kz.
-
28 maýsym – Qazaqstanda Buqaralyq aqparat quraldary qyzmetkerleriniń kúni retinde atalyp ótedi. Bul kún – qoǵamnyń aınasy sanalatyn jýrnalıser, operatorlar, redaktorlar men baspasóz qyzmetkerlerin...
