InfoHub Logo

Almaty oblysy, Aqsý aýdany,
Qyzylaǵash aýyly, İ. Jansúgirov atyndaǵy orta mektebiniń
matematıka pániniń muǵalimi Jaýynbaeva Nazıra Toqtasynovna

5 synyp
Taqyryby: «Juldyzdy sát» atty ıntellektýaldy oıyn (slaıd)
Maqsaty:
Bilimdilik: Oqýshylardyń oılaý qabiletin, oı ushqyrlyǵyn, oqýǵa yntasyn arttyrý;
Damytýshylyq: Uıymdastyrýshylyq qabiletin damytý;
Tárbıelik: Oqýshylardy uıymshyldyqqa, naqty pánge qyzyǵýshylyqqa, jaýapkershilikke, ózin – ózi tárbıeleýge úıretý;
Kórnekiligi: gazetter, logıkalyq tapsyrmalar
Túri: ıntellektýaldyq

1 – júrgizýshi: «Juldyzdy sát» atty ıntellektýaldy oıynymyzdy bastaımyz.
Al, qanekeı, kelińder,
Bir - birińe erińder.
Bilimińdi tekserip,
Oıynǵa qatysyp kórińder – deı kele, oıynǵa qatysýshylardy ortaǵa shaqyraıyq. Oıynǵa 8 oıynshy qatysady. (Oıynshylar ózderiniń ómirlik ustanymdaryn aıtady.)
2 - júrgizýshi
Qazylar ornyqtyrar ádildikti,
Kimderdiń jaýaptary kámil shyqty.
Bilim men tapqyrlyqtyń jarysynda
Jeńiske jeter deımiz naǵyz myqty.
Demekshi, ádil qazylardy saılap alaıyq,
1 – júrgizýshi:
Al kóńildi tapqyshtar, bilgishter,
Bar ónerin aldaryna salady.
Kim bilimdi, kóp oqyǵan bolsa eger,
Búgingi kún jeńimpazy bolady. Oıynshylarǵa sáttilik tileımin!
2 - júrgizýshi: «Tarıh degen túp qazyǵym tamyrym» demekshi
«Matematıka tarıhy» bólimin bastaıyq.
Atalǵan bólimde taqtada ǵalymdardyń sýretteri jáne olardyń matematıka pánine sińirgen eńbekterine baılanysty suraqtar qoıylady. Durys jaýap bergen oıynshydan suralyp, árbir durys jaýapqa 1 upaı beriledi.
1 - júrgizýshi:
1) XVIII ǵasyrdyń sońynda Germanıada bir sabaqta muǵalim oqýshylaryna «1 - den 100 - ge deıingi natýral sandardyń qosyndysyn tabýdy» tapsyrypty. Oqýshylardyń bireýi: «İzdelindi qosyndy 5050 - ge teń», dep jaýap beripti. Bul oqýshy keıin aty álemge áıgili matematıkter koroli bolǵan. Bul ǵalym kim jáne qaı sýrette keskindelgen? (Karl Gaýss)
2 - júrgizýshi:
2) Evklıdten birshama keıinirek Aleksandrıada ómir súrgen ejelgi grek matematıgi jaı sandar kestesin jasaýǵa arnalǵan óziniń tásilin usyndy. Ol balaýyzdan jasalǵan taıaqshada natýral sandar kestesin jasap, odan 1 sanyn jáne qurama sandy alyp tastap otyrǵan. Sonda alǵashqy keste elek tárizdenip, onda tek qana jaı sandar qalǵan. Bul tásildi usynǵan kim jáne qaı sýrette? (Eratosfen)

1 - júrgizýshi:
3) Jezqazǵan ken ornyn ashýshy, Metalogenıa ǵylymı mektebiniń negizin qalaýshy, Qazaq ǴA negizin qalaýshy jáne onyń tuńǵysh Prezıdenti kim jáne qaı sýrette? (Qanysh Sátbaev)
2 - júrgizýshi:
4) Bólshek uǵymyn eń alǵash engizgen kim? (Leonardo Pızanskıı)
1 - júrgizýshi:
5) Birinshi sýrettegi kim, ol týraly ne bilesiń? (Áıelderden shyqqan tuńǵysh matematık Sofıa Kovalevskaıa)
2 - júrgizýshi:
6) Bizdiń zamanymyzdan burynǵy İİİ ǵasyrda ómir súrgen grek matematıgi jaı sandardyń shekteýsiz kóp ekendigin, eń úlken jaı sandy atap kórsetý múmkin bolmaıtyndyǵyn dáleldegen. Ol ǵalymnyń aty kim? (Evklıd)
Eń az upaı jınaǵan 3 oıynshymen qoshtasamyz.
1 - júrgizýshi:
«Bilikti birdi jyǵar, bilimdi myńdy jyǵar» deı otyryp «Kim bilgir?» 2 - shi bólim bastaıyq.
2 - júrgizýshi:
1 - shi bólimde eń kóp bal jınaǵan oıynshydan bastaımyz.
Tabıǵattyń qupıasy tuńǵıyq,
Kóz jetpeıtin munarasy tym bıik,
Bilgen saıyn syryn onyń júremiz
Júrekterge óshpes jalyn nur quıyp.
«Jaratylystaný» kezeńine kezek bereıik! 1 durys jaýapqa 1 bal beriledi.
1 - júrgizýshi:
1) Jaratylystaný uǵymy qandaı sózderden turady? (tabıǵat jáne taný)
2 - júrgizýshi:
2) Kún degenimiz ne? (balqylǵan ystyq gazdy dene)
1 - júrgizýshi:
3) Kún júıesine neshe ǵalamshar kiredi? (9)
2 - júrgizýshi:
4) Jer tobyna jatatyn ǵalamshar? (Merkýrıı, Sholpan, Jer, Mars)
1 - júrgizýshi:
Qutqaryp aýyr beınetten
Tehnıkany úıretken
Robottaı - adamdy
Til bitirip sóıletken
Kompúter emeı nemene...
Deı otyryp, 2 - shi bólimniń «Informatıka» kezeńine kezek bereıik! (Taqtada qurylǵylardyń sýreti nómirlenip kórsetilgen).
1 - júrgizýshi:
1) Kompúter qurlymyna kiretinderdi atańdar. (3, 4, 6) 3 bal
2 - júrgizýshi:
2) Aqparatty engizý qurylǵysyn atańdar. (4, 7, 2, 1) 4 bal
1 - júrgizýshi:
3) Aqparatty shyǵarý qurylǵysyn atańdar(3, 5, 7, 8) 4 bal
2 - júrgizýshi:
4) Mátindik jáne grafıktik aqparatty qaǵazǵa, plasıkke shyǵarýǵa arnalǵan qural (1) 1 bal
1 - júrgizýshi:
Negizi bar ǵylymnyń matematıka
Jalyqpaı oqyp úıren tek qana
Bilimniń esigin ashty, kózin taýyp
Núton, Kolmogorov, Kovalevskaıa
Búginde matematıka barlyq jerde
Qurylysta, tehnıkada, óndiriste
Syrlaryn bul ǵylymnyń úırenińder.
Jas dostar, zerdelenip meńgerińder
Deı otyryp, 2 - shi bólimniń «Matematıka» kezeńine kezek bereıik! Bir durys jaýapqa 1 bal beriledi.
2 - júrgizýshi:
1) Baqtaǵy 150 aǵashtyń 10 - nan 1 - i alma aǵashtary. Baqta neshe alma aǵashy bar? (15) 1 bal
1 - júrgizýshi:
2) Ydystaǵy 24 kámpıttiń 4 - ten 1 bóligi balalarǵa berildi. Ydysta neshe kámpıt qaldy? (18) 2 bal
2 - júrgizýshi:
3) Bıdondaǵy 24 l súttiń jartysy qumyraǵa, al qalǵan súttiń 6 - dan 1 - i bankaǵa quıyldy. Bıdonda neshe lıtr sút qaldy? (10 l) 3 bal
1 - júrgizýshi:
4) Birinshi kúni 69 kg kókónis satyldy. Bul ekinshi kúni satylǵan kókónistiń 5 - ten 3 - indeı. Eki kúnde neshe kılogramm kókónis satyldy? (184 kg). 4 bal
Eń az upaı jınaǵan 3 oıynshymen qoshtasamyz.
2 - júrgizýshi:
Ǵylymdardyń patshasy atanǵan,
Evklıd, Fales, Pıfagordan bata alǵan,
Tózbeıtin ótirikke jalǵandyqqa!
Jasyqtan emessiń sen qataldansyń
Aqyl - oıdy tártipke keltiretin
Naǵyz pán matematıka atanǵansyń
Deı otyryp, 3 - shi bólim «Logıka» kezeńine kezek bereıik!
1 - júrgizýshi: Órmekshi men shybyn kýbtyń qarama - qarsy tóbelerinde otyr. Órmekshi shybynǵa barý úshin kýbtyń qyrymen jáne onyń dıagonalymen jyljıdy. Órmekshi shybynǵa neshe nusqada bara alady? Ár durys jaýapqa bir bal. (6 nusqada)

2 - júrgizýshi: Tańerteńgi saǵat 8 - de elevatordan astyq tasıtyn úsh mashına shyqty. Mashınalardyń birinshisi 3 saǵatta, 4 saǵatta, al úshinshisi 6 saǵatta elevatorǵa qaıtyp oralyp otyrdy. Eger mashınalar bir qalypty júrip tursa, olar saǵat neshede elevatorda qaıta kezdesedi? ( saǵat 20. 00 )
Kórermendermen oıyn
- sharshynyń qabyrǵasy 5 sm aýdanyn tap. (25sm2)
- Qurmanǵazy shákirti kim? (Dına)
- Jer betiniń qaǵazǵa kishireıtilgen beınesi qalaı atalady? (karta)
- 1 jumyrtqa 3 mınýt pisse, 5 jumyrtaqa qansha ýaqytta pisedi (3 mınýt)
- 6 m bóreneni 1 metrden neshe jerden kesý kerek? (5)
Qorytyndy
1 - júrgizýshi:
Sóz ádil qazy alqasy múshelerine beriledi.
Marapattaý