InfoHub Logo

Men – tárbıeshimin, bolashaq ultty tárbıeleýshimin. Osy tirkes kókiregime meıirimdilik pen ózime degen senimdilikti uıalatady.
Tárbıeshi bolý men úshin tek jumys, mindet qana emes, osy jumys arqyly men ómir súrip jatqanymdy sezinemin. Bul janymnyń jaıy, ómirimniń salty.
Ár adam óz ómir jolyn ózin tańdaıdy.
Maǵan taǵdyrdyń jazýymen bizdiń bolashaǵymyz – bizdiń balalarmen birge bolý berilgeni – óz ómir saltymdy durys tańdaǵanym dep bilemin.
Árbir ana balasymen birge balalyq shaqty ótkizgende baqyt qushaǵyna enedi. Al men bolsam, balalyq shaqqa ár kún saıyn enemin. Men ózimdi úlken áripti «Ana» dep aıta alamyn, sebebi mende júzdegen balam bar, olardyń bári meniki, súıkimdi, ár bireýine men óz janymnyń, óz júregimniń bir bólshegin usynǵanmyn. Meniń ómirim balabaqsha...... Meniń kishkentaı bóbekterim... Ár kúni olardyń súıkimdi júzin kórgende eriksiz kúlimsireımin. Óıtkeni olar meni qýana qarsy alady. Qýanyshyn jasyra almaı erkeleı aldyma keledi. Bir úıdiń úmiti, shyraǵy, aıaýlysy, ardaǵy, erkesi, buzyǵy, qyzyǵy. Men olarmen birge júrsem, balasha qýanyp, myna ómirge balasha qaraǵym keledi.
Men tárbıeshimin... Osynaý mamandyqtyń qyzyǵy men qıyndyǵyn ózi bala ortasynda júrgen jan ǵana túsine alady. Jer betinde tárbıeshi aldyn kórmegen adam kem de kem, múmkin bul mamandyq sodan kıeli shyǵar...
Balalardy oılaý, olarǵa qamqorshy bolý, olardy súıý – bul ár adamnyń basyna berilmegen eń ǵajap sezim.
Meniń mısıam eń keremet – óz mahabbatyńdy balalarǵa syılaý. Men osy sezimimdi ómirge rahattana qosamyn jáne balalardy osy sezimde bolýǵa úıretemin. Kóńili kóktem, sezimi sel bop aqqan adamnyń meıirimdilik álemine qatysty sezip - bilgenderin, rýhanı dúnıesine jıǵan - tergen jaýharlaryn jer - jahandaǵy barsha janmen bólisý úshin alyp - ushyp turatyny belgili.
Balalardy «ómir gúli» dese, tárbıeshilerdi «baǵbandar» dep ataý tegin emes. Sol sebepti maǵan jer betindegi eń qymbat qazyna - balalarǵa aqyl, meıirim, máńgilik sıaqty asyl qasıetterdi sebý júktelgen.
Men – Tárbıeshimin!…
«Tárbıeshi dep mamandyqty oqyp, qolyna dıplom alǵan adam emes, tárbıeshi degen ol osy ulaǵatty esimmen birge jasaıtyn uly tulǵa. Mamandyqqa degen senimdilik sırek kezdesedi, ol tek soǵan qurban etkende ǵana dáleldenedi.»
Bireýler maqsatty túrde tárbıeshi bolady, olar mektep tabaldyryǵynan bastap osy mamandyqtyń qundylyǵyn túsinip, sol maqsatqa jetýge bar kúsh - jigerin salady.
Bireýler úshin bul jol - qıyn da soqtyqpaly bolýy múmkin. Bul taǵy bir muǵalim mamandaǵynyń ómir ekenin dáleldeıdi, al ómir ár qıly kezeńderden ótýi kerek.
Osy esimdi maqtanyshpen alyp júrgen adamdarǵa bir ortaq qasıet bar, ol balalarǵa óz júregiń syılap, onsyz ómir mánin elestete almaý.
Men úlken áripti pedagogtar bar ekenine taǵzym etemin, sheberlikti ǵana kórsetpeıdi, sonymen qatar adamı qundylyqtar da óte mańyzdy.
L. N. Tolstoı jazǵan: «Eger pedagog óz isine mahabbatpen qarasa, ol naǵyz maman bolmaq»
Eger de tárbıeshi balaǵa ata - anasy sıaqty mahabbat syılaı alsa, ol kóp kitap oqyǵan, biraq balaǵa degen mahabaty joq tárbıeshiden áldeqaıda joǵary bolmaq.
Jumys úrdisi mańyzdy emes, eń bastysy ár mezette balalarmen ótkizgen shaǵyń qymbat. Biraq ómirde bári de bir - birimen baılanysta.
Balanyń mahabbaty ol kez kelgen marapattaýlardan da artyq bolady.
Eń joǵary marapat – bul balalar mahabbaty!